Ritröð Guðfræðistofnunar - 01.01.2000, Qupperneq 164
ArnfríÖur Guðmundsdóttir
konur. Þær hafa fundið til samsemdar með ambáttinni Hagar, sem þolir kúg-
un og yfirgang af hendi eigenda sinna. Þetta er saga formæðra okkar, segja
svörtu konurnar, saga sem fjallar um kynþáttahatur, stéttaskiptingu og kynja-
misrétti.43 En sagan hefur ekki bara merkingu í fortíðinni, heldur skoða
blökkukonurnar stöðu sína og kynsystra sinna í nútímanum í ljósi hennar. Frá-
sagan í 16. og 21. kafla sýnir trú, von og baráttu sem afríska ambáttin notaði
til að vinna sig út úr erfiðleikum sínum, erfiðleikum sem fylgdu reynslu þeirra
af móðurhlutverkinu, en einnig reynslu þeirra af því að komast af, sem og af
nauðgun, ofbeldi og húsnæðisleysi. Womanistarnir benda á hinar fjölmörgu
blökkukonur, sem líkt og Hagar fara út í heiminn til þess að vinna fyrir sér
og barni sínu aðeins með hjálp Guðs. Dæmi um lykilhlutverk sögunnar um
Hagar í guðfræði womanista er að finna í bók Delores Williams, Sisters in
the Wilderness. The Challenge of Womanist God-Talk,44 Þar notar Williams
eyðimerkurreynslu Hagar og staðgöngumóðurhlutverk hennar, sem túlkunar-
lykil til þess að skýra stöðu svartra kvenna í Bandaríkjunum á síðustu tvö
hundruð árum og þátt trúarinnar í baráttu þeirra gegn kúgun hvítra. Williams
bendir á að í sögu Hagar, líkt og í sögu svartra kvenna á síðustu öldum, hafi
verið lögð áhersla á að komast af, fremur en á raunverulega frelsun. Guð birt-
ist því ekki sem frelsari, en býður samfylgd í erfiðleikum og opnar möguleika
til lífs í kringumstæðum þar sem allar bjargir virðast bannaðar. Hér hefur
Williams í huga atburðinn þegar Guð opnar augu Hagar svo að hún sér vatns-
brunninn í eyðimörkinni, þegar ekkert nema dauðinn virtist bíða hennar og
sonar hennar.45
Sögur um ofbeldi í Gamla testamentinu
Slæm meðferð á ambáttinni Hagar er ekki einsdæmi í bókum Gamla testa-
mentisins. Þar er að finna margar sögur, sem segja ekki aðeins frá undirok-
un kvenna og ríkjandi kynjamisrétti, heldur einnig frá grófu ofbeldi sem kon-
ur voru beittar, ofbeldi sem stundum leiddi til dauða. Þetta eru ljótar sögur
sem lítið hefur verið fjallað um innan kristinnar hefðar. í bókinni Texts ofTer-
ror rýfur Phyllis Trible þögnina sem hefur ríkt um þessar sögur, um leið og
hún varpar hulunni af þögn Guðs og aðgerðaleysi, sem sögurnar greina frá,
andspænis grimmdinni og hrottaskapnum. Trible spyr um tengslin milli of-
beldisins sem konurnar eru beittar í sögum Gamla testamentisins og þess of-
43 Sjá t.d. Renita J. Weems: Just a Sister Away. A Womanist Vision ofWomen’s Relationships in
the Bible, 1-19.
44 1993. Maryknoll, New York: Orbis Books.
45 Williams, 5.