Ritröð Guðfræðistofnunar - 01.01.2000, Blaðsíða 215
Andmœli við doktorsvörn
Uppbygging doktorsritgerðar sem og annarra rannsóknarritgerða hlýtur
ávallt að teljast meðal þeirra þátta, sem gaumgæfðir eru sérstaklega og valda
miklu um mat það, sem ritgerðin fær. Bygging ritgerðar sýnir, hvert vald höf-
undur hefur á að skipuleggja rannsóknarvinnu sína og hverri leikni hann býr
yfir við að koma niðurstöðum sínum til skila með ljósum hætti. Skýrleiki rit-
gerðar, bæði hvað varðar rökstuðning og framsetningu veltur því mjög á,
hversu vel höfundi hefur tekist að gefa ritgerð sinni sannfærandi heildarbygg-
ingu. I þessu efni velur sr. Arngrímur flókna leið, sem óneitanlega gerir rit-
gerð hans óskipulega eða „grugguga“, ef svo má að orði komast. Veldur þetta
því, að hún verður til muna torlesnari, en þörf væri, og skiptir þá litlu, þó texti
höfundar sé almennt ljós og lipurlega saminn.
Ritgerðin hefst með inngangi, sem að mestu er notaður til að byggja upp
nauðsynlegan sögulegan bakgrunn fyrir aðra þætti verksins. í þessum inn-
gangskafla, er fjallað um upphaf rómverskra handbóka, áhrif klaustra við að
festa þær í sessi, handbækur á Norðurlöndum í kaþólskum sið og þróun mála
varðandi handbækur á siðbreytingartímanum og á tímabilinu, er fylgdi í kjöl-
far hans.
Meginmáli ritgerðarinnar, er tekur við eftir inngang, er síðan skipt í fjóra
afmarkaða bálka. Sá fyrsti er í megindráttum helgaður þeim þáttum hand-
bókanna, er tengjast messunni. Annar bálkurinn hefur að geyma texta hand-
bókanna yfir aðrar athafnir en messu. Þriðji bálkurinn felst í skýringum á efni
annars bálks. í fjóðra bálki koma loks niðurstöður höfundar í svokölluðum
niðurlagsorðum. Hér virðist vera um hentuga uppbyggingu að ræða að öðru
leyti en því, sem að ofan getur um samtengingu útgefinna texta og rannsókn-
ar á þeim, sem er með mismunandi hætti eftir því, hvort um messuna eða aðr-
ar athafnir er að ræða.
Við frekari athugun kemur þó í Ijós, að höfundur brýtur upp þá rökréttu,
þematísku byggingu, sem hann virðist í fyrstu hafa hugsa sér að leggja til
grundvallar. Þetta gerir hann með því að nota fyrsta bálk verks síns annars
vegar til að kynna handbækur sínar í heild en hins vegar til að fjalla um fyr-
irmæli þeirra varðandi messuna. Leiðir þetta til þess, að í þessum hluta rit-
gerðarinnar er tvískipt eða klofið sjónarhorn lagt til grundvallar, er veldur
vissum óþægindum við lestur. í þessu efni hefur höfundur, að því er virðist,
fremur látið heimildir sínar ráð ferðinni um uppbyggingu ritgerðarinnar en
grundað skipulag rannsóknarinnar sjálfrar. Sýnir það raunar vel, hve lýsandi
efnistökin eru í ritgerðinni og hversu lítið fer þar fyrir greinandi eða „ana-
lytískri" aðferð.
Eðlilegri og einfaldari uppbygging ritgerðarinnar virðist felast í því, að
handbækurnar þrjár hefðu verið kynntar í sérstökum kafla, þar sem fengist
213