Ritröð Guðfræðistofnunar - 01.09.2012, Blaðsíða 50
ekki.“47 Eins og kunnt er, átti Sigurbjörn síðar eftir að gefa út ritið Vottar
Jehóva: Aðvörun, gegn guðfræði Votta Jehóva og biblíutúlkunum þeirra.48
En það voru fleiri sambærilegir hugmyndastraumar sem Sigurbjörn hafði
áhyggjur af. Á árunum 1946-1958 gaf Jónas Guðmundsson (1898—1973),
kunnur maður úr íslensku þjóðlífi, út tímaritið Dagrenningu, þar sem
m.a. var haldið á lofti kenningum þess efnis að í pýramídunum í Gísa
í Egyptalandi væri að finna túlkunarlykil að spádómum Biblíunnar og
vísbendingar um tímasetningu efsta dags. Þar var, a.m.k. um skeið, einnig
haldið fram hugmyndum Adams Rutherford49 um að Island hefði sérstöku
hlutverki að gegna í framvindu heimsslitanna. I Opinberun Jóhannesar
minnist Sigurbjörn nokkrum sinnum á „hugsmíðar“ tengdar pýramídunum,
oftast í sömu andrá og hann nefnir þá sem beittu sambærilegum túlkunarað-
ferðum, t.d. Varðturnsmenn. Þessar tilvísanir, sem í bók Sigurbjörns láta
lítið yfir sér, taka á sig skýrari og áþreifanlegri mynd í býsna harðvítugri
ritdeilu milli Sigurbjörns og Jónasar á árunum 1957-1958, þ.e. um sama
leyti og skýringar Sigurbjörns komu út.50
/ skugga stríðsins
Síðari heimsstyrjöldin hafði djúpstæð áhrif á guðfræði Sigurbjörns eins og
raunar svo marga aðra guðfræðinga af hans kynslóð. I hans huga var þar
ekki einungis um að ræða pólitísk átök stórvelda, heldur „djöfladans í trylltri
veröld“ eins og Stefan Zweig orðaði það.51 Máttarvöld hins illa voru komin
á kreik og seildust til áhrifa; baráttan stóð á milli alheimsafla, hins góða og
illa, ljóssins og myrkursins. Sigurbjörn virðist snemma hafa fengið tilfinn-
ingu fyrir því að hann tilheyrði kirkju sem stóð í miðju þessara kosmísku
47 Sigurbjörn Einarsson, „Biblían óvirt“, Vísir 9. nóv. 1957, 4.
48 Sigurbjörn Einarsson, Vottar Jehóva: Aðvörun (Reykjavík: [útgefandi ótilgreindurj, 1962).
49 Bækur Rutherfords voru þýddar og gefnar út á íslensku á fjórða og fimmta áratug síðustu aldar.
50 Jónas Guðmundsson flutti mál sitt á síðum Dagrenningar, sbr. einkum Jónas Guðmundsson,
„Þeir dagar koma!“, Dagrenning 12 (ágúst, 1957): 7-13; sami, „Fyrir dómstóli Biblíunnar og
reynslunnar", Dagrenning 12 (okt-des, 1957): 16-32; sami, „„Hefir Drottinn útskúfað lýð
sínum?“ Svar til hr. Sigurbjörns Einarssonar prófessors", Dagrenning 13 (feb-apríl, 1958): 13-30.
í ritdeilunni birti Sigurbjörn allar greinar sínar í Vísi þó hann hafi farið þess á leit við Jónas að
hann birti hluta þeirra í Dagrenningu. Jónas varð ekki við því. Sjá einkum Sigurbjörn Einarsson,
„Árás svarað“, Vísir 12. okt. 1957, 4; sami, „Biblían óvirt“, Vísir 9. nóv. 1957, 4; sami „Biblían,
pyramídinn, og ísrael“ [fyrri hlutij, Vísirll. jan. 1958, 3, 9-10; sami, „Biblían, pyramídinn, og
ísrael“ [seinni hluti], Vísir 29. jan. 1958, 9-10.
51 Stefan Zweig, Veröld sem var: Sjdlfsœvisaga (þýð. Halldór J. Jónsson og Ingólfur Pálmason;
Reykjavík: Bókaútgáfa Menningarsjóðs, 1958), 394.
48