Ritröð Guðfræðistofnunar - 01.09.2012, Qupperneq 79

hungursneyð.43 Áður en hann verður fimmtugur gætu fiskveiðar verið
hrundar ef núverandi sókn heldur áfram. En í skýrslunni GEO-4 kemur
fram að nú er veitt um 250% meira en raunhæft er til að fiskistofnarnir
séu sjálfbærir.44
Þessi sviðsmynd bendir til að eftirfarandi fullyrðing úr stefnuyfirlýsingu
Alþjóðanefndar um framtíð matvæla og landbúnaðar fái staðist:
Því hefur verið fleygt fram að loftslagsvandinn sé stærsta prófraun sem
mannkynið hefur nokkurn tímann staðið frammi fyrir, enda munu örlög
milljóna manna og dýrategunda ráðast af því hvort samfélög heimsins grípa
til sameiginlegra aðgerða eður ei.45
Yfirþyrmandi stærð þessarar prófraunar rennur fyrst upp fyrir okkur
þegar við vegum inn þann efnahagslega, félagslega og pólitíska óstöðug-
leika sem mun fylgja í kjölfar loftslagsvandans þegar þeir hlutar mannkyns
sem verst verða úti taka að krefjast - ef ekki réttlætis - þá í það minnsta
réttar síns til að lifa af. En þess er að vænta að við sem betur verðum sett
reynum að standa vörð um núverandi lífsform okkar sem byggist á ranglátri
skiptingu jarðargæða.
Þessi skelfilega vá er ekki aðeins fjarlægur möguleiki heldur veruleiki
sem steðjar að í náinni framtíð að öllu óbreyttu. Frammi fyrir henni er
mikilvægt að við veltum fyrir okkur hlutverki og áskorunum trúarbragða
og trúarstofnana á öldinni okkar, 21. öldinni.
Áreiti og viðbrögð
Hér að framan var dregin upp mynd af aðstæðum trúarbragða og trúar-
stofnana í hinum vestræna heimi í fjörbrotum nútímans. I þessum aðstæðum
mætir hin trúarlega vfdd og hlutgervingar hennar í þessum heimi - trúar-
brögðin og trúarstofnanirnar - margvíslegum áreitum. Þau helstu verða
nú dregin saman og gerð nokkur grein fyrir hugsanlegum viðbrögðum við
þeim.
43 Ákall til matinkyns, 2011: 62-63.
44 Skýrsla Sameinuðu þjóðanna „síðasta viðvörun" um umhverfisspjöll og mannfjölgun. Slóð, sjá
heimildaskrá. GEO-4 er fjórða skýrslan um global environment outlook sem tekin var saman 2007
af World Commission on Environment and Development (CWED) á vegum Sameinuðu þjóðanna.
45 Skýrsla Sameinuðu þjóðanna “síðasta viðvörun” um umhverfisspjöll og mannfjölgun. Slóð, sjá
heimildaskrá. GEO-4 er fjórða skýrslan um global environment outlook sem tekin var saman 2007
af World Commission on Environment and Development (CWED) á vegum Sameinuðu þjóðanna.
77