Ófeigur - 15.08.1948, Qupperneq 13

ÓFEIGUR
13
Ferðaskrifstofu ríkisins að reka gistihúsið í bili með
meiri ráðdeild heldur en áður var. Erfiðleikarnir við
reksturinn liggja nú mest í því, að svo mikið vantar
af nauðsynlegum hlutum, sem Bretar létu fylgja og
höfðu notað sjálfir.
Vinir og aðdáendur bolsivika-stefnunar geta af þessu
og fleiri slíkum atvinnurekstrartilraunum séð, hve eftir-
sóknarvert var fyrir borgaraflokkana að keppa í mörg
ár um að mega vera með byltingarlýðnum við að stjórna
landinu.
XV.
Þegar leið á þingið í vetur, kom í ljós, að sökum fjár-
skorts mundi ekki verða hægt að leggja neitt veru-
iega til verklegra framkvæmda. Bar ég þá fram tillögu
um að fresta í tíu ár allri þeirri menntamálalöggjöf,
sem bolsivikar höfðu lögfest á árunum 1945—46. Ber
þar ekki aðeins til hinn óhóflegi tilkostnaður fyrir ein-
staklinga, sveitafélög og ríki, heldur einnig hitt, að
kerfið er allt vanhugsað og skaðlegt í öllum afleiðing-
um. Stjórnin var að vísu aðþrengd, en mun hafa feng-
ið litla hvatningu frá stuðningsmönnum sínum, sem
vilja láta eins og nóg sé af skildingum. Þegar
þingmenn voru komnir heim, felldi fjármálaráðherra
niður 35% af útgjöldum til verklegra framkvæmda.
Hann gat ekki annað gert. Hitt er annað mál, hvort
ekki hefði verið hollara að fella úr gildi nokkuð af upp-
eldismálaverki bolsivika en lengja fremur vegi og hafn-
argarða.
XVI.
Kunnugir menn telja, að landinu áskotnist 10 milljón-
ir kr. árlega í dollurum frá flugvellinum í Keflavík.
Eru það lendingargjöld aðkominna flugvéla, kaup ís-
lenzkra manna, sem starfa við flugvöllinn að bygging-
um og fleiru og að síðustu andvirði íslenzkrar mat-
vöru, sem seld er þeim, er þar starfa fyrir Banda-
ríkin. En í þjóðbankanum verður yfirleitt ekki vart við
þessar gjaldeyristekjur. Þær virðast ósýnilegar. Og það
kemur af því, að stjómarvöldin leyfa hverjum, sem
hafa vill, að kaupa farseðla til annarra landa fyrir
íslenzkar kr. Flykkist fjöldi manna úr landi á þennan
hátt,. þrátt fyrir gjaldleyriserfiðleikana. Að síðustu