Ófeigur - 15.08.1948, Síða 21

ÓFEIGUR
21
er á 7. milljón kr. og þannig gengið frá samningum af
Áka og Teresíu, að allt er enn í óvissu með greiðsl-
una. Betur hefði farið á að nota sex milljónir til að
bæta flugskilyrði innanlands heldur en að þrýsta þessu
fé upp á stórar og miklar þjóðir samningslaust. AI-
þingi og ríkisstjórn eru ekki farin að gera sér grein
fyrir hve miklu fé má eyða áríega í samgöngur á sjó,
vegakerfið og flugferðir innanlands með öllu því, sem
þar til heyrir. En fyrr en varir, verður að svara þeirri
spurningu, og byrja fjöiþættan sparnað.
XXIV.
Eftir að deilur höfðu komið upp bæði í þinginu og
í blöðum um, hvort afsakanlegt væri að taka legstein
Páls Stígssonar úr Bessastaðakirkju og flytja hann í
Þjóðminjasafnið, bar ég fram tillögu um að skila kirkj-
um út um land dýrmætum gripum, sem þaðan hafa
verið fluttir og safnað á einn stað í Reykjavík. Þessi
samdráttur þjóðminjanna er mjög áberandi þáttur í
þeirri ránsherferð, sem farin er á hendur dreifbýlinu.
Ef sveitirnar eru rúnar að fólki og fjármunum og í
ofanálag sviptar þeim gripum, sem minna á forna menn-
ingu byggðanna, er sízt að undra, þó að hin forna og
þjóðlega menning eigi erfitt uppdráttar. Ef fólkið
víðsvegar um land, sem veit, að helgigripir þess hafa
verið fluttir til geymslu á hanabjálkaloft í Reykjavík,
láta þar við sitja, þá er sýnilegt, að landið blæs upp
í andlegum skilningi. Metnaður héraðanna er þá brot-
inn og eyðilagður.
XXV.
Áki Jakobsson lét ríkissjóð byggja fyrir sjö milljónir
fiskhús í Reykjavík. Enginn vill nú starfrækja þetta
hús og kemur það væntanlega undir hamarinn innan
skamms. Þetta gat ungur kommúnisti gert í óþökk
allra. En alþingi hefir starfað í heila öld, og þingmenn
hafa verið svo lítillátir, að vera alla öldina í húsnæðis-
hraki, og þó látið vera að reisa heimili fyrir aðkomu-
þingmenn. Það er vafasamur heiður fyrir kommúnista
að hafa varið sjö milljónum til að reisa óþarft hús. En
það er enn minni heiður fyrir alþingi, að hafa ekki á
heilli öld getað látið aðkomu þingmenn fá þak yfir höf-