Ófeigur - 15.08.1948, Page 56

56
ÓFEIGUR
magn af hvítu og rauðu borðvíni, sem hæfilegt þykir
vel siðuðum mönnum með máltíðum, er svo lítið, að
ekki getur verið um ölvun að ræða. Hins vegar er áber-
andi hætta á ölvun í veislulífi fslendinga, eins og nú er
komið málum. Alsiða er að bera gestum í byrjun mann-
fagnaðar nokkra áfengi drykki samblandaða. Með veizlu-
kostinum fylgja létt vín, hvít og rauö, og oft að mál-
tíðarlokum vænt glas af kampavíni. Þegar risið er frá.
borðum, er borið kaffi, og fylgir því að jafnaði eitt
eða fleiri staup af koníaki. Að þessu búnu hefst sá þátt-
ur veizlunnar, sem ölkærum mönnum þykir mest til
koma. Byrjar þá whiskydrykkja, og stendur hún, ef vel
er veitt, fram undir morgunn. Eru margir þá lítt færir
til gangs og aðgerðarlitlir til vinnu næsta dag. Þessir
veizluhættir eru mjög til minnkunar þjóðinni og setja
nútímamenn á íslandi á lægri bekk meðal menntaþjóða.
en þeir eiga skilið, ef frá er tekin meðferð þeirra á víni.
Hér er bent á nýja aðferð í veizlufagnaði, sem mundi
hreinsa af þjóðinni gamalt óorð. Með því að hlaupa yfir
áfengisblönduna, koníakið með kaffinu og allt whiskyið
í veizlulok væri engin hætta á, að veizlugestir kæmu heim
ölvaðir, veikir og ófærir til vinnu. Fleira gott mundi
hljótast af þessari breytingu, þó að það verði ekki talið
hér.
Læknar telja sér nauðsynlegt að ávísa sjúklingum
ýmsar áfengistegundir til heilsubótar. I tíð bannlaganna
fengu læknar þessa undanþágu og fóru misjafnt með.
Þegar ég hafði í landsstjórninni umsjón þessara mála^
1927—32, fékk ég sr. Björn Þorláksson á Dvergasteini
til að gera yfirlit um ársnotkun hvers læknis á þessum
vettvangi, og var sú skýrsla birt opinberlega. Hafði þessi
framkvæmd þau áhrif, að enginn læknir notaði þá um
stund vín til lækninga, nema þegar hann trúði á gildi
þess til heilsubótar. Á þennan hátt má enn leysa þennan
vanda, gefa læknum aðstöðu til að nota til heilsubóta það
vín, sem þeir vilja bera ábyrgð á.
Hér skal drepið á nokkur atriði, sem sýna, hve óvið-
unandi er að hafa óhefta áfengissölu. Kveinstafir giftra
kvenna og mæðra hvarvetna af landinu í sambandi við
ölfrumvarpið sýna, hvað konur hér á landi verða að
þola í sambandi við neyzlu þess áfengis, sem í útsölu
kostar 47 milljón kr. árlega. í veizlum, þar sem meiri
háttar menn skemmta sér, geta hófsamir menn átt á