Ófeigur - 15.08.1948, Page 57

ÓFEIGUR
57
hættu að koma heim bláir og blóðrisa í rifnum klæð-
um undan áleitnum veraldargæðingum, sem hafa fengið
miklu meira af sterkum drykkjum en líkamsorka þeirra
þoldi. 1 Reykjavík einni er alsiða, að 70—80 dauða-
drukknir menn séu teknir úr umferð á einni nóttu. Þar-
sem vegakerfið er fullkomnast um byggðir landsins, er í
mörgum sveitum ómöguiegt að hafa skemmtisamkom-
ur, af því að þangað safnast í tugatali ölvaðir menn„
sem brjóta hús og misþyrma friðsömu heimilisfólki..
Fyrir nokkrum árum var gleðisamkoma að sumri til
á Þingvöllum. Þangað komu um 4000 manns. Eftir
stutta stund var talið, að 2000 af gestunum hafi verið
orðnir dauðadrukknir. Brutu hinir ölvuðu menn hús:
og húsmuni í Valhöll, svo að hörmulegt var á að líta..
Daginn eftir sá einn af kunnustu læknum í Reykjavík,.
sem var staddur á Þingvöllum, ungan mann liggja ó-
sjálfbjarga og bíta gras, sem hann náði til þrátt fyrir
ástand sitt. Þannig mætti lengi telja, en þess gerist
ekki þörf. Þing og þjóð veit, hve hörmulegt ástand-
ið er.
Á hinn bóginn tel ég enga ástæðu til að örvænta.
Drykkjuhneigð íslendinga er sterk, en sómatilfinningin
er líka vakandi, ef þeir, sem gegna ábyrgðarstöðum,
vilja styðja hinn veika reyr. Ég hef verið í undirbún-
ingsnefndum tveggja stærstu hátíða, sem haldnar hafa
verið hér á landi, Alþingishátíðarinnar 1930 og Snorra-
hátíðarinnar í Reykholti 1947. Á báðum þessum sam-
komum voru um 50 þús. manna og enginn drykkju-
skapur. 1 bæði skiptin vildu þeir, sem stóðu fyrir há-
tíðarhöldunum, ekki hafa drykkjuskap, og í bæði skipt-
in sýndi þjóðin, að hún getur haft mikla gleðifundi,
án þess að misnota áfengi.
Tilgangurinn með þessari tillögu er að gefa þeim
mörgu Islendingum, sem stendur stuggur af áfengis-
bölinu, bendingu um þá einu leið, sem fær er, út úr
verstu ógöngum vínnautnarinnar. Að svo stöddu er
bann óframkvæmanlegt. Mjög mikill hluti þjóðarinn-
ar leggur áherzlu á að hafa nokkurt vín. Þessi ásókn
er svo sterk, að vitað er, að í Reykjavík einni eru marg-
ir bifreiðaeigendur, sem fá 2000 kr. á viku og stund-
um meira, fyrir að flytja á kvöldin vín, stórlega hækk-
að í verði, handa ölvuðum mönnum, sem sitja yfir tóm-
um glösum, af því að birgðir, fengnar fyrr um daginn