Ófeigur - 15.08.1948, Side 73

ÓFEIGUR
73,
þó að þær vandi grundvöll framleiðslunnar eins og bezt
má verða.
Að líkindum má gera ráð fyrir nokkurri mótstöðu
hér á landi gegn þessu ameríska og rússneska kaup-
kerfi og þá allra mest frá svo kölluðum foringjum verka-
manna, sem eru þó ekki verkamenn. En nú er málum
svo háttað hér á landi, að sem stendur eru margir
verkamenn í Kommúnistaflokknum, og spara leiðtog-
ar þeirra ekki að halda Rússlandi fram sem fyrirmynd
og Stalin, forkólfi bolsévika, sem æðsta spámanni verka-
lýðshreyfingarinnar í öllum löndum. Nú hefur þessi
spámaður kommúnista talað í málinu og auk þess látið
verkin tala. Hann hefur talið þessa umbót svo mikils-
verða, að líf og lán hins fjölmenna verkamannaríkis
væri komið undir því, að tilraunin gæti heppnazt. Stal-
in lét sér ekki nægja að tala sem einvaldspersóna, held-
ur leiddi í vitnastúkuna spámann allra verkamanna,
Karl Marx, og fyrsta spámann bolsévika, Lenin, til
að sanna mái sitt. Þess vegna má fullyrða fyrir fram,
að íslenzku kommúnistarnir hljóta að styðja þessa breyt-
ingu vegna upprunans. Kratar munu tæplega afneita
Marx. Af borgarastéttunum er það að segja, að bænd-
ur og margir útvegsmenn hafa notað þetta skipulag
eftir því sem við varð komið, Um aðra atvinnurekend-
ur má fullyrða, að þeir mundu hafa hinn mesta áhuga
fyrir þessari umbót, ef þeir ættu þess nokkurn kost.
Ætti lausn þessa máls að verða sameiginlegt áhuga-
mál allra landsmanna, jafnt verkamanna og framleið-
enda, að gera tvennt í senn: viðurkenna í orði og verki
rétt og göfgi vinnunnar og koma á því réttláta skipu-
lagi, að hver maður í landinu beri úr býtum réttlátt
kaup, eins og hann á skilið fyrir áreynslu sína og erfiði.
Mun það verða sök íslenzkra framleiðenda, ef ekki
tekst að leysa þetta mikla nauðsynjamál þjóðarinnar
á þann hátt, sem hér er lagt til, þar sem æðstu spá-
menn verkamannastéttarinnar hafa viðurkennt í orði
og verki, að verkakaup eftir afköstum sé réttlátt og
eðlilegt skipulag.
Menn, sem ekki eiga aðgang að rússneskum heimild-
um, en vilja fá um þetta efni ýtaríegan fróðleik, geta
fengið mikla fræðsiu um málið í merku ensku fræði-
riti: Hubbard: Soviet Labour and Industry, London
1942.