Ófeigur - 15.08.1948, Síða 107

ÓFEIGUR
107
Hefir sjaldan sézt betur misnotkun og kvalastefna kom-
múnista gagnvart mönnum, sem þeir hafa að leik-
soppi, en ætla að ganga af dauðum við fyrsta tækifæri.
Hermann er einn af þeim.
Tíðrætt var nýlega um framboð á Snæfellsnesi móti
borgarstjóra Reykvíkinga. Vildu Snæfellingar fá Bjama
á Laugarvatni, sem unnið hafði kjördæmið með óvenju-
legum dugnaði og ráðsnilld 1942. Var vitað, að Bjarni
var allsendis eini maðurinn, sem hugsanlegt var, að
gæti sigrað Mbl. menn í því kjördæmi. Þá reis Eysteinn
upp og sagði að það mætti aldrei ske, að Bjarni yrði
í framboði. Hlýðni væri fyrir öllu og betra að tapa kjör-
dæminu heldur en sigra með manni, sem færi sínar leiðir
á þingi. Eysteinn heldur, að Framsókn eigi að hafa þá
eina fulltrúa á þingi, sem standa og sitja eins og hann
vill. Fer saman löngun hans til að láta flokksmenn
hlýða boði og banni þeirra, „sem einhverju ráða“ og
hitt, að ráðamönnum dettur aldrei neitt í hug nema
sá hluti hinnar drottinlegu bænar, þar sem beðið er
um daglegt brauð, strax í dag, og er þá ekki vandi að
sjá fyrir sögulokin.
*
Hr. Jörvi var nýlega sendur til að halda flokksfund
í sveit. Hann hafði kvikmynd en ekki búktalara. Gleymzt
hafði að taka fram, að fundurinn byrjaði með ræðu.
Þegar átti að byrja, var einn fundarmaður kominn,
en fimm eftir klukkutíma. Var þá byrjuð messan.
XJndir kvöld flykktist fjölrnenni að til að sjá kvikmynd-
ina. En sýslubúar sluppu í það sinn við öll ræðuhöldin.
Hins vegar létu þeir kvikmynda sig á kostnað þeirra, sem
sendu Jörva. Undu héraðsmenn vel við. Þeir höfðu
skemmt sér vel og sloppið frá leiðindunum.
Afgreiðslum.: Helgi Lárasson, Vesturg. 5. Reykjavík. Sími Ö677.
Ritstjóri og ábyrgðarmaður: Jónas Jónsson, frá Hriflu.
Prentað í Steindórsprenti h.f., Tjarnargötu 4, Reykjavík.