Ritið : tímarit Hugvísindastofnunar - 01.10.2020, Blaðsíða 15
ARnFRÍðUR GUðMUnDSDóTTIR
20
adam er tengt hebreska orðinu ha-adama sem merkir „jörð“, sem áréttar
að maðurinn er skapaður af „moldu jarðar“ eins og segir í textanum (1Mós
2.7).6 Adam er því hvorttveggja í senn, sérnafn hins fyrsta manns og sam-
heiti yfir alla menn, eða mannkynið sjálft.7 Sérstaða mannsins felst ekki í því
að vera hluti af sköpuninni, hinum efnislega veruleika, heldur í því að vera
skapaður í mynd Guðs (l. imago dei), sem karl og kona. 8
Í kristinni guðfræðihefð hefur frá upphafi verið deilt um merkingu guðs-
myndarinnar. Hér er ekki rými til að rekja inntak þeirra deilna, heldur látið
nægja að vekja athygli á tveimur mikilvægum þáttum guðsmyndarinnar sem
eru áberandi í textum Biblíunnar. Annars vegar er um að ræða mikilvægi
tengsla í lífi manns, í fyrsta lagi tengsla við Guð, í öðru lagi við annað fólk og
í þriðja lagi við umhverfi sitt. Hins vegar er um að ræða ábyrgðina sem felst
í því að vera fulltrúi skaparans í sköpunarverkinu. Í sköpunarsögunum koma
þessar áherslur vel fram en þær vísa báðar til hinnar góðu sköpunar fyrir
syndafallið. Eftir að maðurinn, karlinn og konan, hafa nýtt frelsi sitt til að
óhlýðnast boðum Guðs, verður ekkert eins og það var í upphafi. við synda-
fallið raskast guðsmynd mannsins, en afmáist ekki fyrir fullt og allt, eins og
frásögur Gamla testamentisins bera vitni um. Það hefur orðið rof í tengslum
mannsins við skapara sinn, við náungann og aðra hluta sköpunarverksins.
Að sama skapi er maðurinn ekki lengur sá fulltrúi Guðs, sem honum er falið
að vera í upphafi. Í stað þess að bera umhyggju fyrir sköpunarverkinu og að
rækta garðinn sinn hefur hann gerst sekur um skeytingarleysi og skemmdar-
verk. Alveg eins og syndafallið markar þáttaskil í sögu skapara og sköpunar,
verða ný skil í þessari sögu með tilkomu Jesú krists, þar sem hann er „hinn
nýi Adam“ sem gerir endurreisn guðsmyndarinnar mögulega. Það er ein
mitt það sem endurlausnarverk krists í nýja testamentinu vísar til.9
með sér. Sjá til dæmis: Wanda Deifelt, „And G*d Saw That It Was Good–Imago
Dei, and Its Challenge to Climate Justice“, Planetary Solidarity. Global Women’s Voices
on Christian Doctrine and Climate Justice, ritstjórar Grace Ji-Sun kim og Hilda P.
koster, Minneapolis: Fortress Press, 2017, bls. 119–132.
6 Gamlatestamentisfræðingurinn Phyllis Trible, sem var brautryðjandi í femínískri
túlkun á Gamla testamentinu, kallar Adam „earth-creature“, en á íslensku gæti
hugtakið útlagst sem „jarðlingur“. Sjá Arnfríður Guðmundsdóttir, „Bríet og
Biblían“, bls. 193.
7 Phyllis Trible hefur bent á að í síðari sköpunarsögunni verði kynin, karlinn og
konan, ekki til fyrr en konan er búin til af rifi mannsins. Sjá Phyllis Trible, God and
the Rhetoric of Sexuality, Philadelphia: Fortress Press, 1978, bls. 96–99.
8 Richard J. Plantinga, Thomas R. Thompson og Matthew D. Lundberg, An
Introduction to Christian Theology, Cambridge: Cambridge University Press, 2010,
bls. 182.
9 Sama rit, bls. 189–194.