Ritið : tímarit Hugvísindastofnunar - 01.10.2020, Blaðsíða 213
KRISTÍn LOFTSDóTTIR
218
ig umdeild.63 D’Urville bað um nákvæmar leiðbeiningar frá Académie des
Sciences morales et politiques varðandi rannsóknir á þeim „kynþáttum“ sem
hann myndi hitta á ferð sinni. nefnd sem var sett á fót lagði áherslu á að
markmiðið væri meðal annars að skapa grunn fyrir mannfræði sem fæli í
sér rannsóknir á bæði líkama og siðferðislegum einkennum manneskjunnar.
Leiðangurinn ætti að vera sá fyrsti sem safnaði brjóstmyndum af fólki sem
lifði lífi „villimanna“ (e. in the state of barbarism).64 Meðan á leiðangrinum
stóð var safnað í kringum 50 afsteypum af höfðum og fjölda hauskúpa, auk
annarra líkamsleifa og muna.65
Í upphafi ferðarinnar hafði leiðangur d’Urville viðkomu á eyjunni Te-
nerife á Kanaríeyjum. Í frásögn ferðarinnar er sagt frá gosbrunni sem enn
stendur í höfuðborginni Santa Cruz. Hann einkennist meðal annars af
hvítum marmaraóbelix og við hvert af fjórum hornum hans standa styttur af
Guanche-konungum, frumbyggjum Tenerife-eyju, og hver heldur á beinum
í höndum sér. D’Urville skrifar: „Áletrunin rifjar upp trúskipti Guanche-
fólksins til kristinnar trúar. Hún [áletrunin] hefði mátt minnast á að til þess
að ljúka trúskiptunum til fullnustu, útrýmdu Spánverjar fólkinu.“66 Síðar í
textanum er bætt við: „Í dag lifir Guanche-þjóðin eingöngu að nafninu til.
Bein þeirra eru grafin í hellum eyjanna, þangað sem Spánverjar fara daglega
til að grafa þau upp svo hægt sé að svala forvitni ferðalanganna.“67 Hann
grunaði líklega ekki að síðar yrði búið til safn í kringum þessar minjar og af-
steypur af brjóstmyndum hans notaðar til að skapa vísindalegri umgjörð um
bein þessara frumbyggja Kanaríeyja.
Þar sem töluverður fjöldi brjóstmynda á Kanarísafninu virðist koma
63 Sama rit, bls. 252.
64 Bronwen Douglas, Science, Voyages, and Encounters in Oceania, 1511–1850, Basing-
stoke, England: Palgrave Mcmillan, 2014, bls. 258.
65 Marc Rochette, „Dumont d’Urville’s Phrenologist. Dumoutier and the Aesthetics
of Races“, bls. 251–268.
66 „Une inscription rappelle la conversion du peuple guanche à la religion chrétienne.
Elle eût pu ajouter que, pour rendre la conversion plus complète, les Espagnols
exterminèrent la nation indigène“ (lauslega þýtt úr frönsku af höfundi, neðanmáls-
grein skrifuð af Mr Roquemaurel). M. J. Dumont d’Urville, Voyage au Pole Sud et
dans L’Océanie sur les Covettes L’Astrolabe et la Zélée, Tome 1, Paris: Gide, 1841, bls.
206.
67 „Aujourd’hui, le peuple guanche n’existe plus que de nom. Ses ossements sont enfo-
uis dans les cavernes de l’île, d’où les Espagnols vont chaque jour les exhumer pour
satisfaire la curiosité des voyageurs“ (lauslega þýtt úr frönsku af höfundi, neðan-
málsgrein skrifuð af Mr Roquemaurel). M. J. Dumont d’Urville, Voyage au Pole Sud
et dans L’Océanie sur les Covettes L’Astrolabe et la Zélée, Tome 1, bls. 207.