Ritið : tímarit Hugvísindastofnunar - 01.10.2020, Blaðsíða 206
SnERTIFLETIR
211
áður notaðar í Evrópu sem hráefni í lyf og töfra af ýmsu tagi.38 Settar voru
fram ævintýralegar kenningar um uppruna frumbyggjanna og því haldið
fram að þeir ættu ættir að rekja til Evrópu. Gena- og fornleifarannsóknir
hafa þó sýnt fram á að þeir voru skyldir norður-afrískum hópum, þrátt fyrir
að óljóst sé nákvæmlega hversu langt er síðan þeir komu til Kanaríeyja.39
Upphaf safnsins El Museo Canario má rekja til ársins 1879 þegar hópur
fræðimanna á Gran Canaria hittist í höfuðborginni Las Palmas undir for-
ystu Dr. Gregorio Chil y naranjo með það að markmiði að stofna vísinda-
félag. Auk stofnunar El Museo Canario, eða Kanarísafnsins, var vísindafélag
stofnað um starfsemi þess ásamt bókasafni, fornskjalasafni og tímariti. Fé-
lagið var virkt í að standa fyrir ráðstefnum, fundum og öðru í þágu vísinda.
Enginn háskóli eða æðri menntastofnun var til staðar í Las Palmas á þeim
tíma og félagið því sérlega mikilvægt.40 Eitt meginmarkmið þessara stofnana
var að gera Kanaríeyjar jafngildar öðrum lærðum stöðum í Evrópu, eins
og sjá má í tímariti safnsins frá árinu 1889 en þar er sagt að það sé krafta-
verk að hafa stofnun á eyjunum sem sé heimsótt af merkismönnum úr heimi
vísindanna.41
Chil y naranjo hafði hlotið doktorsgráðu í Sorbonne í París árið 1857.
Í París hafði hann kynnst konunglega grasagarðinum Jardin royal de plantes,
sem var tengdur náttúrufræðisafninu, Muséum National d’Histoire Naturelle.42
Grasagarðurinn hafði verið settur á fót árið 1635 fyrir konung Frakklands,
Lúðvík XIII, af lækninum hans og var þá kallaður Jardin royal des plantes
médicinales. Hann varð fljótlega varðveislustaður hluta sem þóttu forvitni-
legir, svo sem beina og plantna frá fjarlægum slóðum. Fljótlega eftir frönsku
byltinguna 1789 var Muséum National d’Histoire Naturelle stofnað meðal
annars á grunni þessa safnkosts43 og svo Musée d’Ethnographie du Trocadéro
árið 1882. Aðrir fræðimenn frá Kanaríeyjum voru í samskiptum við franska
38 Alice Carter Cook, „The Aborigines of the Canary Islands“, American Anthropologist
2: 3/1900, bls. 451– 493, hér bls. 453.
39 José Farrujia de la Rosa, „Culture Beyond Borders. The Amazigh Past of the Can-
ary Islands“, bls. 1–4, hér bls. 2–3.
40 José Farrujia de la Rosa, An Archaeology of the Margins, bls. 35.
41 A. Martínez, „El Museo Canario“, El Museo Canario 6/1889, bls. 30–31.
42 L. Regueira, „Boletín del Museo Arqueológico nacional“, El Museo Canario. Ciencia
y progreso en medio del Atlántico 35/2017, bls. 729–744, hér bls. 732.
43 Claudine Cohen, „Exhibiting life history at the Paris Muséum d’Histoire naturelle
(nineteenth–twenty-first centuries)“, Museums at the Forefront of the History and
Philosophy of Geology, ritstjórar Gary D. Rosenberg og Renee M. Clary, Boulder,
Colorado: The Geological Society of America, 2018, bls. 117–129, hér bls. 118.