Ritið : tímarit Hugvísindastofnunar - 01.10.2020, Blaðsíða 204
SnERTIFLETIR
209
setja á fót nýtt félag mannfræðinga, Société d’Anthropologie, árið 1859 sem
leit á rannsóknir á kynþáttum sem miðlægar fyrir mannfræðirannsóknir.23
Þegar Broca setti fram nákvæmar leiðbeiningar árið 1879 fyrir rannsóknum
á lifandi fólki lagði hann mikla áherslu á mikilvægi slíkra mælinga til saman-
burðarrannsókna á kynþáttum.24 Í upphafi tuttugustu aldar var áherslan á
kynþætti ennþá mikilvæg mörgum mannfræðingum og mælingar á höfuð-
lagi í fullum gangi.25 Samhliða voru þó margir mannfræðingar, meðal annars
í Bandaríkjunum og Frakklandi, farnir að gagnrýna harðlega þessar áherslur
og þá fordóma sem voru hluti af líkamsmannfræði þess tíma.26
Kanarísafnið – Fjölbreytileiki manneskjunnar til sýnis
Í lok 19. aldar keypti nýopnað safn í höfuðborg Gran Canaria fjölda brjóst-
mynda af Musée d’Ethnographie du Trocadéro í París.27 Starfsemi El Museo
Canario snýr í dag fyrst og fremst að samfélagi frumbyggja Kanaríeyja, það
er þá sem bjuggu þar áður en eyjarnar voru teknar yfir af Evrópubúum. Við
stofnun safnsins voru jafnframt uppi hugmyndir um að safnið ætti einnig að
endurspegla þróunarsögu mannkyns.28 Einkasöfn auðugra einstaklinga voru
fyrstu safnvísar Kanarí-eyjaklasans (sérstaklega á Gran Canaria og Tenerife)
og samanstóðu af líkamsleifum og menningarminjum frumbyggja eyjanna.
Þessir þjóðernishópar, sem höfðu kallað sig ólíkum nöfnum eftir því um
hvaða eyjar var að ræða, voru þá ekki lengur til sem samfélög og flestir
dánir eða seldir í þrældóm annars staðar.29 Spánverjar hertóku eyjarnar í lok
23 Alice L. Conkin, In the Museum of Man. Race, Anthropology and Empire in France,
1850–1950, Cornell: Cornell University Press, 2013, bls. 24.
24 Emmanuelle Sibeud, „A Useless Colonial Science? Practicing Anthropology in the
French Colonial Empire, circa 1880–1960“, Current Anthropology 53: 5/2012, bls.
S83– S94, hér bls. S85–S86; Marc Rochette, „Dumont d’Urville’s Phrenologist.
Dumoutier and the Aesthetics of Races“, þýðandi Isabel Ollivier, The Journal of
Pacific History 38: 2/2003, bls. 251–268, hér bls. 255.
25 Á Íslandi mátti einnig sjá þessi áhrif eins og fjallað hefur verið um af Gísla Pálssyni
og Sigurði Erni Guðbjörnssyni, „Homo Islandicus – Inn að beini“, Tímarit Máls og
menningar 2/2012, bls. 4–24.
26 Alice L. Conkin, In the Museum of Man. Race, Anthropology and Empire in France,
1850–1950, bls. 64, 258.
27 Skjalasafn Kanarísafnsins, AMC/Oficios y correspondencia, 1888.
28 A. Martínez, „El Museo Canario II, por los años 1883 y 1884“, El Museo Canario
6/1889, bls. 69–73.
29 José Farrujia de la Rosa, An Archaeology of the Margins. Colonialism, Amazighity and
Heritage Management in the Canary Islands, new York: Springer, 2014, bls. 24.