Ritið : tímarit Hugvísindastofnunar - 01.10.2020, Blaðsíða 77
ÁSDÍS R. MagnÚSDóTTIR
82
atburðir hennar gerast á mörkum heiðni og kristni en hún er, samkvæmt
Hermanni Pálssyni, „síðasta stórvirki í óbundnu máli, sem samið var á Ís-
landi í kaþólskum sið“.60 Viðar Hreinsson hefur fjallað ítarlega um flókna og
fjölbreytta byggingu Grettis sögu og bent á hversu blönduð sagan er, í senn
ævintýraleg, skopleg, blæbrigðarík, ágeng og djúp, þrátt fyrir að vera skrifuð
á tímum skemmtisagnaritunar.61 óskar Halldórsson hefur fjallað um hlið-
stæður grettis og bendir á að í honum sameinist tvær megingerðir hinnar
alþjóðlegu útlagamýtu, það er í senn ofbeldismaðurinn og verndarinn en
síðarnefnda hlutverkið rekur óskar til hinnar indóevrópsku eða fornnor-
rænu hetju.62 Grettis saga er viðburðaríkt verk og ferðir grettis minna um
margt á flandur farandriddarans þótt ekki sé hægt að bera sögusvið verksins
saman við hinn skáldaða heim riddarasögunnar nema að litlu leyti og þá helst
myrkrið og óbyggðirnar við skóginn sem er hin hefðbundna umgjörð hins
óvænta í rómönsunni. Í verkinu er áhersla lögð á mótunarár söguhetjunnar
og fáar Íslendingasögur draga upp jafn áhrifamikla mynd af innri heimi
hennar og höfundur Grettis sögu hefur gert, ekki síst með þeim mótsögnum
sem einkenna persónu grettis. grettir er tengdari Ásdísi móður sinni en
föður. Í grein sinni um framliðna feður bendir Torfi Tulinius á samband
eða öllu fremur afdrifaríkt sambandsleysi grettis við Ásmund föður sinn
og hvernig hann tekst á við föðurímyndina í viðureign sinni við drauginn
glám.63 Russell Poole hefur einnig fjallað um bernsku grettis og fjölskyldu-
tengsl og djúpstæð áhrif þessa á sálarlíf hetjunnar út frá sálfræðilegu sjónar-
horni. Hann bendir á að samanburður við Parcevals sögu komi upp í hugann
þótt grettir nái ekki fullum þroska (e. full maturation) eins og Parceval.64
grettir á tvo albræður en sjálfur er hann hálfgerður ónytjungur sem
nýtur stuðnings og verndar móður sinnar gegn Ásmundi. Hann er tapsár og
60 Hermann Pálsson, „Drög að siðfræði grettis sögu“, Tímarit Máls og menningar 30
(3-4)/1969, bls. 372–382, hér bls. 372.
61 Viðar Hreinsson, „Hver er þessi grettir?“, Skáldskaparmál 2/1992, bls. 77–106, hér
bls. 87–88.
62 óskar Halldórsson, „goðsögnin um gretti. nokkrar athuganir“, Sjötíu ritgerðir
helgaðar Jakobi Benediktssyni 20. júlí 1977, ritstjórar Einar g. Pétursson og Jónas
Kristjánsson, Reykjavík: Stofnun Árna Magnússonar, 2. bindi, bls. 627–639, hér bls.
637–638.
63 Torfi Tulinius, „Framliðnir feður. Um forneskju og frásagnarlist í Eyrbyggju, Eglu
og Grettlu“, Heiðin minni. Greinar um fornar bókmenntir, ritstjórar Haraldur Bessa-
son og Baldur Hafstað, Reykjavík: Heimskringla, háskólaforlag Máls og menningar,
1999, bls. 283–316, hér bls. 304–307.
64 Russell Poole, „Myth, Psychology, and Society in Grettis saga“, Alvíssmál 2/2004,
bls. 3–16, hér bls. 14.