Ritið : tímarit Hugvísindastofnunar - 01.10.2020, Blaðsíða 168
ER SYNDIN NáTTÚRULEg?
173
lags. Þróun aðferðafræði í rannsóknum við mat á landslagi“101, eða í afstöðu
og samböndum okkar við önnur náttúrufyrirbæri sem byggja á vináttu,
ást og lotningu, eins og náttúruheimspekingurinn Henry David Thoreau
lagði áherslu á, og á sér hliðstæður í náttúrusiðfræði Aldos Leopolds og J.
Birds Callicotts sem gerir ráð fyrir manninum sem órofa hluta siðvæddra
vistkerfa.102 Orðið „siðvæddra“ vísar til þess að hér sé vikið af vegi þeirrar
afsiðunar náttúrunnar sem áður var skilgreind og rædd. Með öðrum orðum
gerir siðvæðing náttúrunnar ráð fyrir að öll gildi hennar séu virt, en ekki
einungis þau sem varða sértæka hagsmuni mannsins.
Eðli og mikilvægi siðferðilegra gilda náttúrunnar sést best í þeirri starf-
semi, ákvarðanatöku og hegðun, sem á þeim er byggð, en aðeins ef þeim
er veitt athygli, og sýnd umhyggja, auðmýkt og virðing. Frá sjónarhóli
mannsins byggist slík nálgun á því að viðurkenna takmörk sín, bera virð-
ingu fyrir eigin umheimi og þeirri þekkingu sem hann felur í sér, en ekki
síður umheimum annarra lífvera og lífkerfa sem eru okkur oft að miklu
huldir – þó svo að tilvera okkar sé þeim háð – og saman myndi þeir þá
tengslaheild sem við erum hluti af. Náttúrusiðfræði Páls ber sterkan keim
af þessari hugsun, maðurinn er órofa hluti náttúrunnar, náttúru sem ein-
kennist og er að miklu leyti knúin áfram af gagnkvæmri merkingarbærni
hluta og ferla, merkingu sem oftar en ekki endurspeglar gildi og verð-
mæti, sem ákveða starfsemi lífvera og lífkerfa, gera þeim kleift að vera til
og þroskast. Þannig segir hann: „[…]að öfl náttúrunar eru okkur ótæmandi
uppspretta gilda og verðmæta“,103 og rætur þessarar einföldu yfirlýsingar
má sjá í samræmdri sýn hans á menningu og náttúru:
Og á milli hinna samfélagslegu og náttúrulegu kerfa liggja aug-
ljósir og leyndir þræðir sem vekja meðal annars upp þá spurningu
hvort þessi kerfi séu ekki af sama toga spunnin þegar öll kurl
koma til grafar. Það séu engin skörp skil á milli menningar og
101 guðbjörg R. Jóhannesdóttir, „Vá! – Undrun, fegurð og ægifegurð í upplifun af ís-
lenskri náttúru“, bls. 143–168; Edda R. H. Waage og guðbjörg R. Jóhannesdóttir,
„Að fanga fagurferðilegt gildi landslags. Þróun aðferðafræði í rannsóknum við mat
á landslagi“, Ritið 3/2019, bls. 95–130.
102 Sjá góða umfjöllun um þessar kenningar í: Jón ásgeir kalmansson, „„Hið þanda
segl, hinn rennandi lækur …““, bls. 69–94 og Ólafur Páll Jónsson, „Maður og nátt-
úra“, bls. 13–33.
103 Páll Skúlason, Merking og tilgangur, bls. 88; ég bendi líka á ítarlegar útfærslur hans
í ritgerðasafninu Náttúrupælingar og þá hvað helst fyrstu þrjár ritgerðirnar: „Hug-
leiðingar við Öskju. Um samband manns og náttúru“, „Náttúran í andlegum skiln-
ingi“ og „Andi og óbyggðir“.