Ritið : tímarit Hugvísindastofnunar - 01.10.2020, Blaðsíða 193
BlaISe PaSCal
198
af þessum tveimur gerðum óendanleikans í vísindum er sá sem lýtur að
stærð skynjanlegri og af þeim sökum hafa fáar manneskjur þóst vita allt. „Ég
ætla að tala um allt,“ sagði Demokritos.
en óendanleikinn í smæðinni er ekki eins sýnilegur. Heimspekingarnir
hafa iðulega þóst skilja hann og þar hefur þeim öllum orðið á í messunni.
Þannig hafa þessir kunnuglegu titlar séð dagsins ljós, Um frumforsendur
hlutanna, Um frumforsendur heimspekinnar, og fleiri í þessum dúr, í raun jafn
íburðarmiklir þótt þeir virðist ekki vera það, og þessi sem sker í augun: De
omni scibili [Um allt sem hægt er að vita].
Við teljum okkur af náttúrunnar hendi eiga auðveldara með að komast
að kjarna hlutanna en að átta okkur á ummáli þeirra, og hið sýnilega umfang
heimsins er greinilega ofar okkar getu. en þar sem við erum stærri en smáir
hlutir teljum við okkur fær um að skilja þá, engu að síður krefst það jafnmik-
illar færni að nálgast neindina og að nálgast heildina. Færnin verður að vera
óendanleg í báðum tilvikum, og mér virðist sem svo að sá sem gæti skilið
hinstu rök hlutanna gæti einnig skilið óendanleikann. Neindin og óendan-
leikinn eru háð hvort öðru, annað leiðir til hins. Þessi endimörk snertast og
sameinast vegna þess hversu fjarlæg þau eru hvort öðru, og þau eru bæði í
Guði, og aðeins í Guði.
Við þurfum því að þekkja mörk okkar. Við erum eitthvað og við erum
ekki allt. Sú tilvera sem við eigum rænir okkur þekkingu á frumforsendum
sem spretta úr neindinni, og þessi litla tilvera sem við eigum kemur í veg
fyrir að við getum séð óendanleikann.
Greind okkar hefur sama stað í skipan skiljanlegra hluta og líkami okkar
hefur í víðfeðmi náttúrunnar.
Við erum takmörkuð að öllu leyti og þessi staða, í miðju tveggja enda-
marka, setur svip sinn á alla færni okkar. Skilningarvit okkar skynja ekkert
sem er á ystu mörkum, of mikill hávaði slævir heyrn okkar, of mikil birta
blindar okkur, of mikil fjarlægð og of lítil fjarlægð koma í veg fyrir að við
getum séð. Sé mál of langt eða of stutt verður það torskilið, of mikill sann-
leikur kemur okkur úr jafnvægi. Ég þekki fólk sem getur ekki skilið að séu
fjórir dregnir frá núlli þá er útkoman núll. Frumforsendurnar eru of aug-
ljósar fyrir okkur; of mikil ánægja veldur óþægindum, of mikill samhljómur
spillir tónlistinni, og of mikið af góðverkum skapraunar fólki. Við viljum
eiga nóg fyrir skuldinni: „Beneficia eo usque laeta sunt dum videntur exsolfi posse;
ubi multum antevenere, pro gratia odium redditur.“ (Góðvild er vel þegin svo
lengi sem við getum endurgoldið hana; ef hún fer yfir þau mörk breytist