Ritið : tímarit Hugvísindastofnunar - 01.10.2020, Blaðsíða 239
FINNUR DELLSéN
244
vísindamiðlun sem gerir ekki ráð fyrir því að almenningur treysti sérfræð-
ingum um þau vísindi sem um er að ræða. Þessi hugmynd kallast vöntunar-
líkanið um vísindamiðlun (e. the deficit model of science communication). Vönt-
unarlíkanið kveður á um að efasemdir og ranghugmyndir fólks um vísindi
megi einfaldlega rekja til þess að það hafi ekki nægilega miklar upplýsingar.
Almenning skorti þekkingu bæði á vísindum almennt, starfsemi þeirra og
aðferðafræði, og eins á viðteknum vísindakenningum, tilteknum vísinda-
rannsóknum og helstu niðurstöðum þeirra. Ef almenningur vissi hvernig
vísindin virka í raun og hvað þau hafa komist að niðurstöðu um, þá myndi
fólk leggja meiri trúnað á réttar og haldbærar rannsóknarniðurstöður og
minni trúnað á falsvísindi og annað fúsk sem sagt er byggjast á vísindalegum
rannsóknum. Það sem þurfi til sé því einfaldlega betra eða meira upplýsinga-
flæði frá vísindafólki til almennings, til dæmis í gegnum menntakerfið, fjöl-
miðla og aðrar opinberar stofnanir.16
Sú hugmynd að mikilvægt sé að almenningur viti meira um helstu vís-
indaniðurstöður og hvernig vísindastarf fer fram í raun og veru er góðra
gjalda verð. Þó bendir fátt til þess að hægt sé að koma í veg fyrir að al-
menningur hafi efasemdir og ýmsar ranghugmyndir um vísindalegar kenn-
ingar með því einu að veita meiri upplýsingum til almennings. Fyrir þessu
eru fyrst og fremst tvær ástæður. Annars vegar benda rannsóknir því miður
ekki til þess að aukið upplýsingaflæði leiðrétti vísindalegar ranghugmyndir
eða fái fólk til að hætta að efast um vel rökstuddar vísindakenningar. Þess í
stað benda rannsóknir til þess að eftir því sem fólk verður betur upplýst um
vísindi þá myndi það sér einfaldlega meira afgerandi skoðanir á umdeildum
vísindakenningum. Þeir sem efast til dæmis um loftslagsbreytingar verða
enn vissari í sinni sök eftir að hafa meðtekið upplýsingarnar.17 Líklega má
skýra þetta með einskonar staðfestingarskekkju (e. confirmation bias) þar sem
fólk velur úr þær upplýsingar sem henta fyrirframgefnum skoðunum þeirra
en horfir fram hjá öðrum sem gera það ekki.18
16 Segja má að vöntunarlíkanið sé tilraun til að lýsa algengri – en jafnan óorðaðri – skoð-
un meðal vísindafólks um hvernig best sé að efla vísindalæsi og skilning á vísindum.
Sjá meðal annars Brian Wynne, „Public Understanding of Science Research. New
Horizons of Hall of Mirrors?“, Public Understanding of Science 1/1992, bls. 37–43.
17 Dan M. Kahan og fleiri, „The polarizing impact of science literacy and numeracy
on perceived climate change risks“, Nature Climate Change 2/2012, bls. 732–735;
Caitlin Drummond og Baruch Fischhoff, „Individuals with greater science literacy
and education have more polarized beliefs on controversial science topics“, PNAS
36/2017, bls. 9587–9592.
18 Raymond S. Nickerson, „Confirmation Bias. A Ubiquitous Phenomenon in Many