Ritið : tímarit Hugvísindastofnunar - 01.10.2020, Blaðsíða 176
HUGSaNIR
181
menningi. Saman mynda þau hið þekkta verk Les lettres provinciales (Bréf
til vinar á landsbyggðinni). eftir bréfaskrifin sneri Pascal sér aftur að vísind-
unum en einnig að undirbúningi verks til varnar trúnni sem hann náði ekki
að ljúka við áður en hann féll frá, 39 ára gamall. Giberte, eldri systir hans,
skrifaði ævisögu bróður síns, Vie de Monsieur Pascal, nokkrum árum eftir
andlát hans.2 Fyrir áhrif jesúíta lét loðvík XIV loka klaustrinu í Port-Royal
árið 1709 og þremur árum síðar var það jafnað við jörðu.
Þegar Blaise Pascal lést árið 1662 hafði hann ekki náð að klára öll þau
verk sem hann hafði lagt drög að. eitt þeirra var ritið Apologie de la religion
chrétienne eða Til varnar kristinni trú sem nú er þekkt undir heitinu Pensées
eða Hugsanir. Pascal hafði safnað saman hugsunum sínum um efnið um ára-
bil og helgað því síðasta árið sem hann lifði. Hann skrifaði á stórar arkir en
hann mun hafa klippt þær niður í brot þegar hann kynnti fyrirhugað verk
sitt í erindi í Port-Royal árið 1658. Fyrsta útgáfan bar heitið Pensées de M.
Pascal sur la Religion, et sur quelques autres sujets, qui ont esté trouvées aprés sa
mort parmy ses papiers (Hugsanir M. Pascals um trúna, og nokkur önnur málefni,
sem fundust í blöðum hans eftir andlát hans) og kom hún út í París í janúar-
mánuði 1670.3 Þar hafði þeim brotum sem þóttu skýrust verið safnað saman
og raðað upp með ýmsum leiðréttingum. Sú útgáfa var gagnrýnd þar sem
texta Pascals hafði sumstaðar verið breytt og mörgum brotum sleppt. Hugs-
anir hafa verið endurútgefnar í nokkur skipti en verkefnið er vandasamt þar
sem Pascal strikaði víða yfir orð og bætti öðrum við; auk þess er rithöndin
ógreinileg og greinarmerkjanotkun lítil.4 Í hverri nýrri gerð er einhverjar
breytingar að finna, ekki síst á uppröðun brotanna. Meðal þeirra var auk
þess eitt og annað sem hafði lítið eða ekkert með varnarræðuna að gera:
vangaveltur um ýmis málefni og önnur verk, persónulegar hugleiðingar,
minnispunktar og glósur. Brotin veita því afar forvitnilega innsýn í hugsun
Pascals og vinnubrögð.
Það er ekki fullbúin ræða til varnar kristni sem lesandinn finnur í Hugs-
2 „la Vie de Monsieur Pascal, écrite par Madame Périer, sa sœur, femme de Monsieur
Périer, conseiller de la cour des aides de Clermont“, Pascal, Œuvres complètes, préface
d’Henri Gouhier, présentation et notes de louis lafuma, París: aux Éditions du
Seuil, 1963, bls. 17–33.
3 Pensées de M. Pascal sur la Religion, et sur quelques autres sujets, qui ont esté trouvées aprés
sa mort parmy ses papiers, París: Chez Guillaume Desprez, 1669.
4 Um skipulag og skýrleika handritsins eru skiptar skoðanir, sjá til dæmis louis
lafuma, „Introduction“, Pascal, Œuvres complètes, préface d’Henri Gouhier,
présentation et notes de louis lafuma, París: aux Éditions du Seuil, 1963, bls.
493–494.