Tímarit um menntarannsóknir - 01.01.2014, Blaðsíða 55

Viðhorf grunnskólanemenda á Islandi og í Finnlandi til tækni og námsgreinarinnar hðnnunar og smíði
markaði fjöldi kallar á stærri rannsókn
svo hægt sé að bera niðurstöðurnar betur
saman við sambærilegar rannsóknir sem
gerðar hafa verið í öðrum löndum. Þar að
auki mældi þessi rannsókn einungis við-
horf nemenda, en ekki vilja þeirra til að
takast á við tæknileg viðfangsefni.
Ástæðan fyrir þeim mun sem rannsóknin
sýndi á milli landanna gæti verið mismun-
andi áherslur í námskrám þeirra og einnig
ólíkar hefðir í kennslu. Nauðsynlegt er því
að víkka rannsóknina út og safna frekari
gögnum til að skýra þennan mun nánar.
Leitast hefur verið við að svara þeim
spurningum sem settar voru fram í upphafi
rannsóknarinnar:
Hver eru viðhorf 11 og 13 ára nemenda á
íslandi og í Finnlandi til tækni?
Rannsóknin sýndi að munur var á við-
horfum kynjanna í báðum löndum til tækni.
Líklegt er að kynjamunurinn tengist staðal-
myndum samfélaganna og að tæknileg
viðfangsefni séu frekar tileinkuð drengjum
(Boser, Palmer og Daugherty, 1998). Bæði
kynin eyða þó frítíma sínum í tæknileg við-
fangsefni, svo sem notkun samfélagsmiðla,
og var því ekki teljanlegur munur á milli
kynja þegar spurt var hvort nemendur gætu
skilið tæknileg fyrirbæri. Hins vegar vörðu
drengir meiri tíma í tæknileg viðfangsefni
og það gæti haft áhrif á framtíðarstarfsval
þeirra tengt tækni (Silverman og Pritchard,
1993a; Autio og Hanssen, 2002; Byrne, 1987;
Halperin, 1992).
Hver eru viðhorf 11 og 13 ára nemenda á
íslandi og í Finnlandi til námsgreinarinnar
höntiunar og smíði?
Munur var á viðhorfum nemenda til
tækni og námsgreinarinnar hönnunar og
smíði á Finnlandi og fslandi. Drengir hafa
meiri áhuga á tækni og námsgreininni
hönnun og smfði. íslensku nemendurnir
voru jákvæðari og einnig nemendur í 5.
bekk. Líklegt er að þessi niðurstaða tengist
áherslum og innihaldi námskránna en gæti
einnig tengst kennsluháttum í hönnun og
smíði, staðalmyndum samfélagsins og
skólahefðum (Autio og Soobik, 2013; Bo-
ser, Palmer og Daugherty, 1998; Mennta-
málaráðuneytið, 2007).
Til þess að nemendur þroski með sér
tæknilegan skilning og áhuga þarf að
koma til vilji og áhugi á námi sem hefur
þessar áherslur. Dyrenfurth (1990) og
Layton (1994) notuðu hugtakið „tækni-
legan vilja" þegar þeir skoðuðu viðhorf
nemenda til tækni. Þeir voru báðir þeirrar
skoðunar að tilfinningar, hvatning, gildi og
persónulegir eiginleikar hefðu áhrif á við-
horf nemenda til tækni. Tæknilegur þroski
þeirra væri hins vegar háður vilja þeirra til
þess að taka þátt í kennslustundum og að
taka eigin ákvarðanir í tæknimiðuðum at-
höfnum.
Handmenntagreinar Finnlands og ís-
Iands hafa tekið miklum breytingum frá
upphafstíma þeirra. Tæknimennt er nú
orðin stærri hluti af námsgreininni hónn-
un og smíði og efling tæknilæsis er eitt af
meginmarkmiðum hennar. Einnig er lögð
áhersla á þroskun sköpunargáfu nemand-
ans og fæmi hans í því að nýta sér tækni-
legar lausnir við að leysa verkefni. Báðum
kynjum er ætlað að takast á við sömu
áherslur. Þessari breyttu áherslur ættu að
gera nemendur meðvitaða um gildi og
gagnsemi tækni og tæknilegra lausna fyrir
daglegt líf.
53