Tímarit um menntarannsóknir - 01.01.2014, Blaðsíða 119

Viðhorf til samþættingar skóla- og frístundastarfs I fjölmenningarskóla
upplýsingar um starfið í frístundaheim-
ilinu og hvað börnunum stæði til boða.
Foreldrar töldu æskilegt að börnin fengju
að velja leiksvæði daglega. í upphafi skóla-
ársins komu börnin heim með val fyrir
vikuna, en það kom ekki vel út að mati for-
eldra. Að mati þeirra voru börnin of ung til
að velja svo langt fram í tímann. Foreldrar
sögðust ekki eiga mikil samskipti við
starfsfólkið í Vinafelli en áttu auðvelt með
að ná sambandi við deildarstjóra í síma
eða með tölvupósti. Sumir nefndu hávaða
og óreiðu þegar komið væri að sækja börn
í lok dags, en þó kom fram að flest börnin
ganga sjálf heim.
Upplýsingaflæði
Margir foreldrar notuðu Mentor (rafrænt
upplýsingakerfi skóla) til að fá upp-
lýsingar um hvernig barni sínu gengi og
voru líka ánægðir með að fá tölvupósta
frá kennara með fréttum um skólastarfið
og upplýsingum um börnin sín. Sumir
foreldrar vildu líka fá upplýsingar á blaði
en aðrir voru sáttir við að fá rafrænar upp-
lýsingar frá skólanum. Foreldrar virtust
líka nota heimasíðu skólans til að fylgjast
með hvað börnin fengju í hádegismat. Tal-
að var um gott samband á milli kennara
og foreldra og reyndu foreldrar að mæta
á alla boðaða fundi. Nokkrir foreldrar
nefndu bekkjarkvöld sem hefði að þeirra
mati verið vel heppnað en var ekki endur-
tekið. Aðrir foreldrar höfðu ekki tekið þátt
í bekkjarkvöldi, ýmist vegna þess að það
hafði ekki verið skipulagt í bekk barns
þeirra eða vegna þess að þeir höfðu ekki
komist vegna vinnu.
Umræða
Rannsóknin varpaði ljósi á mikilvægt þró-
unarverkefni í íslensku skólastarfi sem
snýr að mótun samþætts skóla- og frí-
stundastarfs í fjölmenningarlegum skóla.
Niðurstöður benda til þess að þróunar-
verkefnið styðji markvisst fjölmenningar-
lega stefnu skólans og að tekin hafi verið
skref til að tengja betur saman skóla- og
frístundastarfið. Þrátt fyrir byrjunarörðug-
leika taldi starfsfólk og foreldrar að aukin
samþætting kæmi börnunum til góða og
að tekist hefði að ná ákveðnum stöðug-
leika. Börnin sjálf sögðu að þeim þætti
gott að þekkja starfsfólk sem fylgdi þeim
úr skóla yfir í frístundaheimilið, og virtust
almervnt sátt við breytingarnar sem orðið
höfðu. Hafa ber í huga að um er að ræða
yfirstandandi þróunarverkefni og mun
tíminn leiða betur í ljós hvernig samþætt-
ingu skóla- og frístundastarfsins reiðir af.
Hér verða þrjár meginniðurstöður rann-
sóknarinnar dregnar saman og ræddar í
ljósi fyrri þekkingar. Þessar niðurstöður
snúa að: i) gildi þess að samþætta skóla-
og frístundastarf í fjölmenningarlegum
skóla, ii) því að aukin áhersla á frístund-
astarf og félagslega þátttöku barna styður
aðlögun og samþættingu í anda fjölmenn-
ingarstefnu og ekki síst, iii) því að skil-
greina þurfi betur hlutverk frístundaleið-
beinenda í skólum og veita þeim öflugri
faglegan stuðning.
Fyrsta niðurstaðan snýr að hinu fjöl-
menningarlega samfélagi sem ríkir í
Fellaskóla: Samþætting skóla- og frístunda
og lengdur skóladagur hentar vel fyrir börn
°g fjölskyldur í Fellasköla. Sú staðreynd að
þátttaka í frístundastarfinu var hluti skóla-
dagsins efldi tengslamyndun og félags-