Tímarit um menntarannsóknir - 01.01.2014, Blaðsíða 98

Vanda Sigurgeirsdóttir og Jakob Frímann Þorsteinsson
í heildina má segja að niðurstöður rann-
sóknarinnar er snúa að atvinnu hafi verið
jákvæðar.
Viðhorftil námsins
Rannsóknin leiddi í ljós að almennt eru
viðhorf brautskráðra nemenda til náms í
tómstunda- og félagsmálafræði jákvæð.
Til að mynda sýna niðurstöður að 96%
þátttakenda eru, þegar á heildina er litið,
frekar eða mjög ánægðir með námið. Þá
eru þeir nær allir frekar eða mjög sammála
því að námið hafi búið þá vel undir verk-
efni í núverandi starfi (92,5%) og undir
verkefni í lífinu almennt (94%). Þó eru
færri, eða 66,6%, sem telja að námið hafi
búið þá frekar eða mjög vel undir það nám
sem þeir stunda nú. Líklegt má telja að
ein ástæðan sé sú að hluti nemenda hafi
valið sér nám ótengt tómstunda- og félags-
málafræði en einnig verður að velta því
upp hvort námið undirbúi nemendur ekki
nægjanlega vel fyrir frekara nám. Skoða
þarf þessar niðurstöður nánar og grafast
fyrir um hvað brautskráðir nemendur telja
að megi bæta í þeim efnum. Er sú vinna
þegar komin í gang með rýnihópavið-
tölum meðal brautskráðra nemenda.
Gildi og gagnsemi
Óhætt er að segja að gildi og gagnsemi
námsins virðist vera talsverð er kemur að
hagnýtum þáttum, eins og undirbúningi
fyrir ýmsa starfsemi á vettvangi frítímans,
auknu sjálfstrausti, sem og þjálfun í heim-
ildaleit og færni í að tjá sig munnlega og
skriflega, en ekki síður þegar litið er til
þátta sem tengjast gildismati og sam-
félagslegri ábyrgð. Þetta er mjög jákvætt,
ekki síst vegna þess að í stefnu Háskóla ís-
lands fyrir árin 2011-2016 kemur fram að
leggja á ríka áherslu „á að efla siðferðilega
dómgreind, vitund um sjálfbærni og sam-
félagslega ábyrgð starfsmanna jafnt sem
nemenda og þar með samfélagsins alls til
lengri tíma" (Háskóli íslands, e.d.). Þar
kemur einnig fram að Háskólinn vill vera
í fararbroddi í jafnréttismálum og leggja á
áherslu á jafnrétti í allri starfsemi (Háskóli
íslands, e.d.). í því ljósi er athyglisvert að
brautskráðir nemendur í tómstunda- og
félagsmálafræði mátu þessa þætti mun
meira en brautskráðir nemendur frá Há-
skóla íslands árið 2010 (Ásdís Aðalbjörg
Arnalds o.fl., 2012). Sem dæmi eru 84,6%
brautskráðra nemenda í tómstunda- og
félagsmálafræði frekar eða mjög sammála
því að námið hafi eflt siðferðislega dóm-
greind þeirra en 62% í rannsókninni frá
2010. Þá eru 84,6% brautskráðra nemenda
í tómstunda- og félagsmálafræði sammála
um að námið hafi eflt vitund þeirra um
samfélagslega ábyrgð en einungis 59% í
rannsókninni frá 2010. Loks telja 63,1% á
móti 52% að námið hafi eflt vitund þeirra
um sjálfbærni og 70,7% á móti 44% að
námið hafi eflt vitund þeirra um jafnrétti.
Þessar rannsóknir voru ekki gerðar á sama
tíma og fjöldi þátttakenda er ekki sá sami
en eigi að síður eru þetta athyglisverðar
niðurstöður. Jafnrétti, siðferðisleg dóm-
greind, samfélagsleg ábyrgð og sjálfbæmi
eru allt gildi sem flestir hljóta að vera sam-
mála um að gott sé fyrir fólk að tileinka
sér og því væri fróðlegt að kanna nánar
hvað veldur þvf að námið í tómstunda- og
félagsmálafræði virðist hafa þessi jákvæðu
áhrif á nemendur.