Óðinn - 01.01.1936, Blaðsíða 73

Óðinn - 01.01.1936, Blaðsíða 73
O Ð I N N 73 um, og farþegar voru látnir ganga í röð, einn og einn, kom jeg auga á ungan pilt, á að giska 16-17 ára, þriðja eða fjórða í röðinni fyrir framan mig. ]eg hugs- aði með mjer, að jeg mundi þora að tala við hann, ef við kyntumst, og bað Guð, í huganum, að gefa mjer hann að kunningja. Mjer þótti því heldur vænt um, er jeg sá við miðdagsborðið, að hann átti sæti beint á móti mjer við borðið. Hann sat þar við hlið- ina á ungum, glæsilegum manni, og hjelt jeg, að það væri eldri bróðir hans, en seinna fjekk jeg að vita, að hann væri frændi hans, búsettur í Canada, og hafði hann boðið frænda sínum með sjer í kynnisferð til Ameríku. Kunningsskapurinn byrjaði með því, að hneigja kolli hvor til annars. Fyrstu tvo dagana var jeg eins einmana eins og jeg hefði verið úti á öræfum einn. ]eg yrti ekki á nokkurn mann, nema ef jeg varð að spyrja einhvern af starfs- mönnunum einhvers. Allir voru þeir mjög kurteisir. Alt var fyrir mjer sem í draumi. ]eg hafði aldrei á æf- inni lifað hvern dag í »vellystingum prakluglega« á svipaðan hátt og þarna. Mjer fanst alt svo skrautlegt og viðhafnarmikið, að þau fyrstu farrými, sem jeg hafði verið á með dönsku skipunum, komust í engan samjöfnuð við þetta að viðurværi og þægindum. Neðst var borðsalur afarstór, með 19 borðum, og 16 sætum við hvert borð. Farþegar voru þá tæplega helmingur þeirrar tölu, sem rúmast gat þar. Salurinn var niður við sjávarborð. — Á næsta lofti bjó starfsfólkið, og á loftinu þar fyrir ofan voru svefnklefarnir. ]eg var þar einn í klefa; hann var ekki mjög stór, en mjög þægilegur. Þá var á næstu hæð (þilfari) fyrir ofan afarstór og skrautlegur lestrarsalur, með hæginda- stólum og smáborðum, og mjög stóru og vel völdu bókasafni; var þar ávalt til staðar bókavörður, og var hægt að sitja þar og lesa, og einnig mátti fá lánaðar bækur út af salnum. A næstu hæð var reykingasalur- inn, og voru þar skrifborð með öllum skriftartækjum og pappír og umslögum eftir vild, alt með mynd og nafni skipsins. I þeim sal undi jeg mjer best. I kring um þessa sali voru breið þilför, og var það all- langur vegur, sem nota mátti á skemtigöngu; var hægt að ganga 160 skref eftir skeifulagaðri braut; voru þar og margir reyrstólar til hvíldar. — Aldrei hef jeg lifað reglubundnara lífi en þá daga. Mjer fanst það að því leyti eins og væri jeg í klausturlífi, en af viðurværinu og skrautinu dró jeg þá ályktun, að jeg væri einhver stórhöfðingi dularklæddur. ]eg fór á fætur kl. 7 á morgnana og hafði mína guðræknis- stund, og las áframhaldandi kafla í 1. Pjetursbrjefi; kl. 8 fór jeg til morgunverðar niður í borðsalinn. Þjónn stóð við dyrnar og opnaði þær. ]eg gekk að sæti mínu og »stúderaði« rjefta-listann; þjónn stóð á bak við hverja fimm borðgesti og þjónaði með mik- illi kurteisi. Var sex sinnum skift um diska, og mátti um þrent velja við hvern disk. Síðast var kaffi. Spurði þá þjónninn, hvort maður hefði fengið nægju sína, og við játandi svar sneri hann stólnum frá borð- inu, svo ganga mátti beint af augum, án þess að troða sjer milli stólanna. Þegar maður kom að glerhurðinni fyrir salnum, opnaði dyravörðurinn hana og rjefti að hverjum útganganda lítinn tannstöngul úr fjaðralegg, í glæru »kramarhúsi«, og blaðið, sem út kom á hverri nóttu, með frjettum bæði úr hinum gamla og nýja heimi, og sögum og myndum. ]eg fór svo upp í reykingasal og las blaðið. KI. 10 — 11 ljek ágæt hljómsveit niðri í borðsal fyrir þá, sem hlusta vildu. Var hægt eftir mikilli leikskrá að velja, ef eitthvað var sjerstakt, sem mann fýsti að heyra. — Kl. 11 var borið um nautakjötsseyði, með ljettu brauði; var það borið um kring í salina eða út um þilförin og drukkið þar, sem menn stóðu. Kl. 121/2 var aftur rokna mál- tíð (lunch), samskonar og morgunverðurinn, en með breyttri rjetta-skrá. Á undan þessum hádegisverði tók jeg mjer kyrláta stund í klefa mínum og las þá Rómverjabrjefið. — Kl. 4 var borið te um kring, með smurðu brauði, og kl. 6V2 var miðdegisverður (dinner) og var mest í þá máltíð borið. Borðin voru skreytt blómum og var alt viðhafnarmikið sem í stórveitslu. Á undan þeirri máltíð las jeg í einrúmi kafla úr ]óhannesar-guðspjalli. — Svo kl. 8-9 var hljóðfæra- sláttur. I hljómsveitinni voru 8 menn. — Um kl. 10 var borið um kring ostur og kex, með ávaxtamauki, og var það kvöldbítur handa þeim, sem voru á fót- um. Kl. IIV2 var slökt í sölunum, og þeir, sem lengst voru á fótum, gengu til svefnklefa sinna. ]eg endaði daginn með því, að lesa kapítula úr Davíðs-sálmum. Þannig liðu dagarnir. ]eg naut lífsins, og hefur mjer sjaldan liðið betur. — Annan daginn var stormur all- mikill, og velti hafið stórum öldum beint á skips- hliðina og olli þungri, en hægri veltu. Um morgun- inn, eftir fösturof (morgunverð), fór jeg upp á 4. þil- far og settist við lestur; eftir litla stund fjekk jeg lítilsháttar svima. Mjer datt í hug byrjandi sjóveiki, og hugsaði að all-fróðlegt mætti það vera, að fá sjóveiki fyrsta sinn á stærsta skipinu, sem jeg hefði haft far með, en því miður hvarf þetta eftir litla stund og jeg kendi mjer ekki meins síðan, en þann dag voru þó nokkrir sjóveikir, þar á meðal ungi maður- inn, sem jeg hafði hugsað mjer að kynnast. Sæti hans var autt við borðið. ]eg spurði frænda hans eftir
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76
Blaðsíða 77
Blaðsíða 78
Blaðsíða 79
Blaðsíða 80
Blaðsíða 81
Blaðsíða 82
Blaðsíða 83
Blaðsíða 84
Blaðsíða 85
Blaðsíða 86
Blaðsíða 87
Blaðsíða 88
Blaðsíða 89
Blaðsíða 90
Blaðsíða 91
Blaðsíða 92
Blaðsíða 93
Blaðsíða 94

x

Óðinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Óðinn
https://timarit.is/publication/205

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.