Árbók Landsbókasafns Íslands - 01.01.1952, Síða 158

158
EINAR BJARNASON
er hann höfundi vegna þess, að sonur hans var Jón sá, sem kvæntist Sigríði, sem 1703
býr á Jökli í Eyjafirði, Halldórsdóttur lögréttumanns í Núpufelli Hallssonar. Síðari
kona Jóns þessa Björnssonar er hér talin Valgerður Jónsdóttir, ættuð frá Mývatni, og
með henni er hann talinn hafa átt 3 Jóna, Guðrúnu og Elísabetu fyrir börn. Höf. telur
þetta svo hiklaust, að ekki verður það rengt, en annarsstaðar er Valgerður síðari kona
Jóns talin Höskuldsdóttir (Espholin p. 4219).
Á 115. blaði er rakin ætt Hildar Ormsdóttur konu Árna á Illugastöðum Péturssonar.
Hún er réttilega talin systir síra Bjarna á Grænavatni Ormssonar, en faðir þeirra er
hér talinn sonur Péturs Bjarnasonar sýslumanns á Bustarfelli Oddssonar. Þetta er
meinloka hjá höfundi og hefur dr. H. Þ. skrifað hér utanmáls „alrangt“. Ormur faðir
þeirra Bjarna og Hildar er talinn hafa búið á Felli í Kinn. Hann var sonur síra Bjarna
á Helgastöðum í Reykjadal Jónssonar yngra lögréttumanns á Einarsstöðum í Reykja-
dal Ormssonar og var síra Bjarni hálfbróðir Jóns á Draflastöðum föður þeirra Gríms
á Lundi forföður höfundar og Bjarna á Fornastöðum. Móðir Orms var Hildur Illuga-
dóttir pr. í Múla Guðmundssonar.
Afkvæmi síra Bjarna á Grænavatni er síðan rakið fram á 116. blað, en þá tekur við
ættartala Jóns bónda í Hjaltadal og Brúnagerði í Fnjóskadal Höskuldssonar. Er fyrst
sagt frá því hver voru börn þessa Jóns, en svo frá því, að Jón hafi verið sonur Hösk-
uldar Jónssonar og Steinunnar Pálsdóttur systur Finns Pálssonar forföður höfundar.
Höskuldur faðir Jóns í Hjaltadal býr 1703 50 ára í Fjósatungu í Fnjóskadal og er
kvæntur Þorbjörgu Þorláksdóttur en ekki Steinunni Pálsdóttur. Höf. mun hér líka fara
villur vegar. Steinunn Pálsdóttir, langafasystir hans, mun vera sú, sem 1703 er 68 ára í
Fjósatungu, en hún mun vera stjúpmóðir Höskuldar, ekki kona hans. Höskuld í
Fjósatungu telur höf. vera son Jóns í Tungu (Fjósatungu) í Fnjóskadal Snorrasonar,
en Snorri er hér talinn hafa búið á Uppsölum á Staðarbyggð í tíð Magnúsar lögmanns
Björnssonar og hafa farizt á skipi Munkaþverárklausturs. Annar sonur Snorra er hér
talinn Höskuldur, sem búið hafi á Ytri-Þverá (á Staðarbyggð) með móður sinni og af
honum eru talin komin systkinin Valgerður Höskuldsdóttir og Ketill Höskuldsson faðir
Jóns á Dvergsstöðum. Systkinin Valgerður og Ketill eru 1703 hjá föður sínum Hösk-
uldi bónda á Þverá á Staðarbyggð Ketilssyni, en sá Höskuldur var sonur Ketils, er þar
bjó einnig, Höskuldssonar. Til er vitnisburður frá 5. júní 1693, er Ketill þessi gaf um
landamerki Þverár, og segir hann föður sinn hafa búið á þessari jörð. Sjálfur segist
hann liafa látið slá hana í ein sextíu ár eða lengur. Ketill hefur eftir þessu verið kom-
inn undir áttrætt 1693, en látinn er hann fyrir manntalsþing 1699 samkv. öðrum vitnis-
burði. Höskuldur faðir hans gæti verið fæddur um 1580, en Snorri afi hans um 1550.
Ef marka má það, sem í handritinu stendur, að Höskuldur sonur Snorra hafi búið
með móður sinni, verður að ætla, að ekkja Snorra hafi ekki verið roskin er hann féll
frá, og hún hafi haldið áfram að búa með Höskuldi syni sínum sem fyrirvinnu. Er þá
líklegast, að Snorri hafi ekki drukknað löngu eftir 1600, en ekki verður talið, að það
hafi verið í tíð Magnúsar lögmanns Björnssonar nema hann hafi verið orðinn klaustur-
haldari. Því þykir mér sennilegt, að Snorri hafi verið á skipi því, sem fórst á Gríms-