Árbók Landsbókasafns Íslands - 01.01.1952, Side 170

Í7Ó
ÉINAR BJARNASÖN
garði og Ólafs föður síra Þórðar í Nesi í Aðaldal forföður Hjalta á Felli í Kinn Þórð-
arsonar, í beinan karllegg. Þar eru rakin systkini Hjalta, sem höfundur segir, að hafi
verið lögréttumaður, þótt ekki sjáist af alþingisbókum, að svo hafi verið. Hann gæti
hafa verið nefndur til þings, en aldrei komið þangað, eftir að hann var nefndur þangað,
og þar til er hætt var að nefna lögréttumenn úr Þingeyjarþingi.
A 160. blaði segir höfundur: „Halldór Þorbergsson skrifar um ætt herra Guðbrands
og síra Arngríms lærða á Melstað Jónssonar soleiðis.“ Síðan kemur ein blaðsíða, er
sýnir frændsemi þeirra Guðbrands biskups og síra Arngríms, en þá kemur niðjatal frá
Eiríki riddara Sveinbjörnssyni, og nær það frá fyrri síðu 161. blaðs niður fyrri síðu
167. blaðs. Halldór Þorbergsson, sem höf. vísar til, er kunnur maður, annálaritari og
lögréttumaður úr Hegranesþingi, enn á lífi á Hólum í Hjaltadal 1703 79 ára gamall.
Ég hygg, að tilvitnunin til þess, sem Halldór Þorbergsson hafi skrifað, eigi einnig við
niðjatalið frá Eiríki riddara, og kaflinn frá síðara hluta 160. blaðs til loka fyrri síðu
167. blaðs sé allur ritaður eftir Halldóri. Kaflinn er áreiðanlega ekki frumskráður hjá
höfundi.
Efst á 167. blaði er skrifað: „Þessar framanskrifaðar ættartölur eru á 46 örkum.
A Guðmundur Gíslason á Melgerði.“
Hér hefur lokið ættabók Guðmundar, og er síðasti hluti handritsins á ótölusettum
síðum. A 167. blað er bætt við minnisgrein um afgjöld af Suðurnesjajörðum, senni-
lega til þess að nýta eyðuna á blaðinu.
Þessu næst kemur viðbætir við móðurætt síra Jóns í Núpufelli Jónssonar, og hygg
ég hann sé frumsaminn af Guðmundi, þótt margt í viðbætinum sé sótt í ættatölur, sem
aðrir hafa samið. Hann ruglar hér saman síra Einari á Myrká Magnússyni og síra
Einari á Kvíabekk Einarssyni og gerir úr þeim einn mann, sem fyrst hafi verið prestur
á Myrká en síðar á Kvíabekk, og hafi heitið Einar Jónsson. Konu hans telur hann
Helgu Jónsdóttur prentara í Núpufelli Jónssonar, en hún var kona síra Einars á Myrká
Magnússonar. Son síra Einars og Helgu telur hann síra Jón á Kvíabekk forföður síra
Jóns í Núpufelli, en sá síra Jón var sonur síra Einars á Kvíabekk Einarssonar, eftir því
sem aðrar ættartölur telja, sem fyllra segja um afkvæmi síra Einars. Síra Jón á Kvía-
bekk mun einnig vera of gamall til þess að geta verið sonur Helgu Jónsdóttur frá
Núpufelli. Vegna þess, að kona Jóns prentara í Núpufelli var Geirlaug Gamladóttir
prests Hallgrímssonar nefnir Guðmundur hér systkini síra Gamla og nokkuð fleira af
því fólki, en samkvæmt framansögðu var síra Jón í Núpufelli ekki kominn af síra
Gamla, a. m. k. ekki á þann hátt, sem höfundur telur.
Á öðru blaði er föðurætt síra Jóns. Þar er sú meinloka á ferð, að síra Ólafur í Saur-
bæ Árnason hafi verið sonarsonur síra Brynjólfs á Bergsstöðum Árnasonar, sem mun
hafa verið jafnaldri síra Ólafs. Af þessari tengingu síra Ólafs við síra Brynjólf kemur
manni helzt í hug, að þeir kunni að hafa verið bræður, en ekkert er annað fyrir sér að
hafa í þeirri getgátu. Kona síra Ólafs er hér nefnd Halldóra Guðmundsdóttir, og getur
höfundur þess til, að hún hafi verið dóttir Guðmundar lögréttumanns á Hvoli í Saur-
bæ Jónssonar, systir sira Jóns í Hítardal. Þetta er rangt, og vita menn ekki nú hver var