Náttúrufræðingurinn - 1980, Page 152

ið. Þá héldu náttúruverndarsamtök á
svæðinu fund um verndun Breiðafjarð-
ar í Búðardal 14. október 1978. Á
Aljhngi veturinn 1978—1979 flutti
Friðjón Þórðarson j^ingsályktunartil-
lögu um könnun og verndun lífríkis
Breiðafjarðar. Var samstaða algjör um
þessa tillögu í jjinginu og hún samþykkt.
Fuglar og selir eru mest áberandi
þættir lífríkis Breiöafjarðar. Ástand
þessara dýrastofna er ábending um
ástand lifríkisins í heild. Haldgóðar
upplýsingar um útbreiðslu og fjölda
fugla og sela er því mikilvæg forsenda
verndunaraðgerða og skynsamlegrar
nýtingar náttúruauðæfanna. Þess vegna
er mjög mikilvægt, að unnið verði
markvisst að söfnun gagna um fugla- og
selastofna, auk sögulegra heimilda um
breytingar, sem orðið hafa á liðnum
tímum.
Þessi ritgerð fjallar um varpfugla eins
afmarkaðs svæðis á Breiðafirði, sögu-
frægustu eyjarinnar, F'lateyjar í F'lat-
eyjarhreppi, auk nokkurra nærliggjandi
smáeyja, sem tilheyra henni. Ætlunin er
að fjalla síðar um fuglalíf F’lateyjar-
hrepps í heild, þegar meiri gögn hafa
safnast. Mér þótti ástæða til að birta
sérstaka ritgerð um varpfugla Flateyjar,
en nákvæmari gögn eru til um fuglalíf
þeirrar eyjar en annarra Breiðafjarðar-
eyja.
Náttúrufræðistofnun Islands í
Reykjavík hefur m.a. það hlutverk að
safna upplýsingum um fjölda og varp-
dreifingu íslenskra varpfugla. Sem hluti
þessa verkefnis verður á komandi árum
hafist handa um skrásetningu sjófugla-
byggða á íslandi, legu þeirra, tegunda-
samsetningu, fjölda fugla, dreifingu,
hættur sem steðja að byggðunum
o.s.frv. Þá eru svæðalistar, eins og birtist
í þessari ritgerð, einn hluti slíkrar upp-
lýsingasöfnunar. Það er því annað tak-
mark þessarar greinar, að hún verði
ábending til hinna fjölmörgu fugla-
áhugamanna um land allt, hvernig þeir
geta hjálpað við almenna könnun á
varpútbreiðslu íslenskra fugla. Áhuga-
menn geta veitt ómetanlega aðstoð með
því að halda til haga almennum upp-
lýsingum um varpfugla (og aðra fugla) í
sínu umhverfi. Með árunum safnast
upplýsingar um útbreiðslu hinna ýmsu
tegunda, hagi þeirra og breytingar, sem
kunna að verða á fjölda og útbreiðslu
einstakra tegunda. Þeir, sem hefðu
áhuga á að hjálpa til í þessum efnum,
eru vinsamlegast beðnir að hafa sam-
band við mig.
UPPLÝSINGASÖFNUN
OG AÐFERÐIR
Þessi ritgerð er byggð á gögnum sem
höfundur safnaði á árunum 1974 —
1978. Sjálfstæðar athuganir fóru eink-
um fram sumurin 1975—1977, en þau
ár dvaldist ég í Flatey frá miðjum apríl
til loka ágústmánaðar ár hvert. Rit-
gerðin fjallar um varpfugla .svæðisins
einkum á þessu tímabili, vorinu og
sumrinu. Ýmsar athuganir utan þessa
tíma árs eru þó teknar með, og á ég fyrir
þær að þakka Hafsteini Guðmundssyni,
bónda í Flatey, en hann er framúrskar-
andi athugull á fuglalíf. Hafsteinn hefur
ennfremur veitt mér fjölmargar upplýs-
ingar um fuglalíf eyjanna eftir 1965.
Einnig hef ég munnlegar og skriflegar
upplýsingar um fuglalífið fyrr á tímum
frá Jóni Bogasyni frá Flatey, starfs-
manni á Hafrannsóknastofnun (upplýs-
ingar frá ca. 1930—1965) og Sveini
Gunnlaugssyni, fyrrum skólastjóra í
230