Andvari - 01.01.2004, Side 43

andvari
AUÐUR AUÐUNS
41
með því að láta gera staðlaðar teikningar og húsbygging hafin sem fólk
tók síðan við í fokheldu ástandi og fullgerði. Með þessu móti urðu til
heil hverfi í bænum af svokölluðum smáíbúðum sem leystu vanda
þeirra er í hlut áttu. Bæjarstjórn reisti einnig fjölbýlishús og gaf kost á
íbúðum ýmist til kaups eða leigu fyrir þá sem voru í ófullnægjandi
húsnæði og sem fyrr höfðu bamafjölskyldur forgang. Þegar Auður
Auðuns kom til starfa í bæjarráði var ærin vinna að fjalla um umsókn-
ir um þessar íbúðir og bera fundargerðir ráðsins ljósan vott um þá
erfiðleika sem við var að etja. Á þessum tíma var Auður enn að störf-
um hjá Mæðrastyrksnefnd svo hún hefur kynnst vandamálum fólks frá
tveimur hliðum samtímis.
Þegar Auður eitt sinn var innt eftir einhverju atviki sem henni væri
sérstaklega minnisstætt frá fyrstu árunum í bæjarstjóm svaraði hún að
bragði:
Þegar fyrsti nýsköpunartogarinn, Ingólfur Amarson, sigldi í febrúar 1947
fánum prýddur inn á Reykjavíkurhöfn og bæjarbúar flykktust niður á hafnar-
bakka til þess að fagna komu skipsins. Með komu Ingólfs hófst Bæjarútgerð
Reykjavíkur.
Reykjavík skartaði sínu fegursta þegar hún fagnaði komu hins glæsi-
lega skips sem ber nafn landnámsmanns hennar, segir í hástemmdum
samtíma fréttaflutningi. Síðdegis sama dag var móttökuathöfn um borð
°g var útvarpað þaðan ræðum ráðamanna ríkis og Reykjavíkurbæjar.
Að öllum líkindum hefur Auður verið þar á meðal gesta þó ekki taki
heimildir af um það. Aftur á móti er sérstaklega bókuð einróma
samþykkt í bæjarráði hvert skuli vera nafn fyrsta togarans. Þetta var
fyrsta skipið sem kom til landsins af 32 togurum sem ríkisstjórnin
samdi um smíði á í Bretlandi árið 1945 „með olíukyntri gufuvél, um
500 lestir að burðarmagni og getur flutt 300 lestir af ísuðum fiski í
lest.“ Af þessum togurum komu átta í hlut Reykjavíkur og keyptu
atgerðarfyrirtæki í bænum nokkra þeirra en bærinn aðra og voru þeir
togarar gerðir út frá nýstofnaðri Bæjarútgerð. ísland hafði safnað tölu-
verðri inneign í erlendum gjaldeyri á árum heimsstyrjaldarinnar síðari,
var hluta þess fjár varið til nýsköpunar atvinnuveganna og voru skipa-
haupin liður í því. Koma togaranna glæddi atvinnulífið í bænum og
nægur fiskur og fiskmeti varð á matborðum Reykvíkinga.
Flokksbróðir Auðar Auðuns er sat með henni í borgarráði seinustu
tvö kjörtímabil hennar í borgarstjóm hefur sagt gott að vinna með Auði