Andvari - 01.01.2004, Blaðsíða 77

andvari
AUÐUR AUÐUNS
75
ýmsan hátt. Auður var félagi þar fram undir ævilok og hún var þrisvar
sinnum formaður klúbbsins en formennska gengur reglulega milli
félaganna.
í Sjálfstæðisflokknum var Auður Auðuns virkur félagi í flokksráði
og einnig miðstjóm 1973—1975 sama tíma og hún var formaður Lands-
sambands sjálfstæðiskvenna. Hún var formaður Hvatar, félags sjálf-
stæðiskvenna í Reykjavík, 1976-1978 og lengi í stjómum þessara
samtaka. Samtök sjálfstæðiskvenna gáfu út afmælisritið Auðarbók
Auðuns. Bókin er safn greina eftir ýmsa höfunda sem ritaðar voru
vegna útgáfunnar og hefur tileinkunina: Þetta rit er helgað brautryðj-
andanum Auði Auðuns í tilefni sjötugsafmælis hennar hinn 18. febrúar
1981. Bókin kom út á kvenréttindadaginn 19. júní 1981 og hafði fjöldi
manns ritað nöfn sín á heillaóskalista.
Lögfræðingafélag íslands minntist þess að í júní 1995 voru 60 ár
liðin frá því að Auður Auðuns lauk fyrst kvenna prófi í lögfræði frá
Háskóla Islands.Var hún það ár kjörin heiðursfélagi á fundi er Dögg
Pálsdóttir formaður stýrði og flutti ávarp til heiðurs Auði. Dögg rakti
störf Auðar og stjómmálaferil og sagði að hún hefði með fordæmi sínu
aukið öðrum konum kjark enda þótt þær hefðu verið seinar að fara að
dæmi hennar. Dögg vakti athygli á að 14 ár liðu uns næsta kona tók
lögfræðipróf, 13 ár liðu frá því Auður var ráðherra þar til kona varð á
ný ráðherra 1983, og það varð 35 ára bið á að kona fetaði í fótspor
hennar sem borgarstjóri.
Að framan hefur verið rakinn í stórum dráttur ferill Auðar Auðuns í
stjómmálum og félagsstarfi ýmiss konar. Samhliða því hefur hún átt
sitt persónulega lífshlaup sem lítt hefur verið staðnæmst við umfram
fáein helstu atriði. Við þau má bæta að á sínum efri árum átti hún að
fagna hópi barnabama er voru henni yndi.
Auður Auðuns var falleg kona og fíngerð en bar með sér mikinn
skapgerðarstyrk, ætíð vel búin og fágaði umhverfi sitt. Auður var jafn-
an varkár í tali og flutti ekki stjórnmálaumræðuna heim á heimili sitt.
Þeir sem kynntust Auði á persónulegum nótum vissu að hún bjó að
hárfínu skopskyni og var skemmtileg viðræðu í völdum hópi.
Allra seinustu æviárin dvaldist Auður á hjúkrunarheimilinu Drop-
laugarstöðum við gott atlæti. Þar lést hún 19. október 1999, á áttugasta
°g níunda aldursári. Útför hennar var gerð viku síðar frá Hallgríms-
kirkju og flutti séra Auður Eir Vilhjálmsdóttir útfararræðu. Var þar