Tímarit lögfræðinga - 01.10.2004, Síða 154

Samkvæmt samningnum um stofnun eftirlitsstofnunar og dómstóls er að-
setur þessara stofnana ákveðið með samhljóða samkomulagi EFTA-ríkjanna. í
desember 1994 var ákveðið að aðsetur dómsins yrði fært frá Genf til Luxem-
borgar þegar viðeigandi húsnæði fyndist. í ágúst 1996 var þessu hrundið í fram-
kvæmd og frá 1. september 1996 hefur dómstóllinn haft aðsetur að 1, rue du
Fort Thiingen, Kirchberg, en í því hverfi eru staðsettar flestar stofnanir Evrópu-
sambandsins í Luxemborg.
Núverandi dómarar við EFTA-dómstólinn: frá vinstri Per Tresselt, Carl Baudenbacher
og Þorgeir Orlygsson. Lengst til hœgri er Lucien Dedichen dómritari.
Frá 30. júní 1995 var EFTA-dómstóllinn skipaður 3 dómurum, frá íslandi,
Noregi og Liechtenstein. Carl Baudenbacher var skipaður dómari fyrir
Liechtenstein en forseti dómsins var eins og áður sagði Bjöm Haug frá Noregi.
Þór Vilhjálmsson gegndi embætti dómara fyrir Islands hönd. Dómritari frá 1.
september 1995 var Per Christiansen. Bjöm Haug var endurkjörinn forseti
dómsins til þriggja ára frá 1. janúar 1997 og Gunnar Selvik var ráðinn dómritari
til þriggja ára þann 1. september 1998.
I 15. gr. bókunar 5 við samninginn um stofnun eftirlitsstofnunar og dómstóls
eru m.a. tilgreind hæfisskilyrði dómara. Ef dómari tekur ekki þátt í meðferð
máls í samræmi við ákvæði greinarinnar skal velja staðgengil af lista sem
EFTA-rfkin hafa komið sér saman um. Þann 24. október 1997 var í fyrsta sinn
gefinn út listi yfir þá aðila sem heimilt er að leita til ef einn hinna þriggja
dómara dómstólsins telst vanhæfur eða vegna annarra ástæðna getur ekki dæmt
í máli fyrir dómstólnum. Sex varadómarar, tveir frá hverju landi, voru skipaðir
til þriggja ára. Fyrir íslands hönd voru skipaðir sem varadómarar þeir Davíð Þór
Björgvinsson prófessor og Stefán Már Stefánsson prófessor. I júlí 2001 var
448