Morgunn - 01.12.1940, Qupperneq 106

232
MORGUNN
framhaldslífi eru orðnar feykimiklar á nær því öld síðan
þær byrjuðu. Að vísu er ekki allt sannað, sem sett er í
bækur; það fer eftir því hverjir standa að þeim, og að
þessum bókmenntum stendur fjöldi vísindamanna, sumir
heimsfrægir, og flestir byrjuðu rannsóknir sínar algjör-
lega vantrúaðir, stundum með þeim beina ásetningi, að
afhjúpa eftirlíkingar og hjátrú, sem þeir voru sannfærð-
ir um að þeir gætu, t. d. hinn frægi vísindamaður Sir
William Crookes. En svo urðu þeir allir trúaðir eða flest-
ir, og kváðu sumir, Oliver Lodge og fleiri, upp úr með,
að þeir hefðu eins sterkar sannanir fyrir þessu eins og
þeim vísindum, sem þeir voru frægir fyrir. Þannig hefir
spiritisminn veitt mörgum trú, sem enga höfðu. Því sagði
Conan Doyle: „Spiritisminn er trúarbrögð fyrir þá sem
töldu sig engin hafa, en styrkir aftur á móti trú þeirra,
sem trúarbrögð höfðu fyrir“. Svika-fyrirbrigði, sem
komið hafa fyrir, hafa vitanlega engin áhrif haft á þróun
þessa máls. Þetta væri allt heilt ritgjörðarefni, sem ekki
er rúm fyrir hér.
En öllum vinum málsins er óhætt að segja, að þetta
atvik, sem hér hefir komið fyrir, hversu leitt sem það
var, hefir engin áhrif á málið sjálft, það stendur jafn
óhaggað og mun, eftir þetta atvik sem önnur sams konar
annars staðar, halda áfram að veita trúlausum trú og
styrkja meira og minna veika trú annara.
Annað atriðið í sambandi við þetta mál, er sú hlið, sem
snýr að Sálarrannsóknafélagi íslands (S. R. F. í.), því að
í umræðunum hafa sumir viljað krefja það reiknings-
skapar eða telja það bregðast því, sem af því máttí
vænta, að fyrirbyggja ekki að slíkt komi fyrir. Það þarf
ekki að taka fram, að engir harma meira en félagsmenn í
S. R. F. í. það sem gjörzt hefir, en þó að ég skrifi hér á
eigin ábyrgð en ekki í umboði S. R. F. í., þá vil ég alveg
neita þessu.
Fyrst er það, að L. Á. hefir aldrei verið á vegum fé-