Húnavaka - 01.05.1972, Blaðsíða 133

HÚN AVAKA
131
En bryggja úr steinsteypu var þó byggð, að vísu í nokkrum áföng-
um, og er það stór nú að öll vöruflutningaskip geta legið við hana
og fengið góða afgreiðslu. Öllum héraðsbúum er nú vel ljóst hversu
þýðingarmiklar þessar framkvæmdir voru fyrir hagsmuni þeirra.
í þessu máli átti Jón líka sterkan stuðningsmann og áhugasaman,
en það var Jón Isberg sýslumaður.
Jón Baldurs var mjög góður húsbóndi, og mikils metinn af starfs-
fólki sínu. Hann var mikill og góður félagi þessa fólks og vissi vel
hve þýðingarmikið var að allt samstarf hjá fyrirtækinu einkenndist
af velvilja, áhuga og trúmennsku.
Á hverjum morgni byrjaði hann starf sitt með því að fara á alla
vinnustaði og ávarpa starfsfidkið með nokkrum orðum í léttum tón.
Að sjálfsögðu hafa þessar morgungöngur hans líka verið til þess
að sjá með eigin augum hvort allt væri í því lagi, sem hann vildi
vera láta.
Jón var ekki aðeins félagslyndur í jreim efnum, sem snertu sam-
vinnufélögin, hann var víðsýnn maður og öll félagsleg áform, sem
stefndu til framfara eða líknarstarfa voru honum hugstæð og áttu
fylgi hans. En hann kærði sig ekkert um að standa sjálfur í neinu
áberandi sviðsljósi í þeim efnunt.
Hann var einn af stofnendum Lionsklúbbs Blönduóss, og ávallt
virkur og skemmtilegur félagi þar.
Það mun hafa komið héraðsbúum nokkuð á óvart þegar hann á
árinu 1958 hætti störfum framkvæmdastjóra. Hann hafði að vísu
kennt lasleika í höfði um nokkurt skeið, og fór til Danmerkur vet-
urinn 1957, og dvaldi þar um tíma sér til heilsubótar.
Þegar ég spurði hann um ástæðuna fyrir þessu, kvaðst hann álíta
að þessi ákvörðun sín væri rétt. Skuldir viðskiptamanna hefðu aukizt
mikið vegna framkvæmda, og það gæti á erfiðum tímum kippt stoð-
um undan öryggi félaganna. Og hann sagði ennfremur. „Margir eiga
eftir að byggja upp og auka ræktun. Ég get ekki neitað þeim um
sömu fyrirgreiðslu og hinir hafa fengið, allir Húnvetningar eru
vinir mínir.“
Hann sagði að það væri skoðun sín að réttara væri að yngri maður
tæki við starfinu, og að það væri von sín að til þess fengist traustur
og góður maður, og sú von hans rættist.
Jón Baldurs var mikill gæfumaður alla æfi og hann sá áhugamál
sín verða að veruleika. Hans góða kona Arndís Baldurs bjó honum