Húnavaka - 01.05.1972, Side 197

HÚNAVAKA
195
þeim sérstakar þakkir þingfull-
trúa fyrir vel unnin störf.
I nóvember gekkst sambandið
fyrir að halda dansnámskeið að
Húnavöllum og sóttu það um 30
manns. Síðar er áformað að
halda slík námskeið víðar.
Að lokum vil ég færa öllum,
sem veittu sambandinu lið á ár-
inu beztu þakkir sambands-
stjórnar.
Magnús Ólajsson.
FRÉTTAVIÐTAL.
Húnavaka hitti að máli Hjálmar
Eyþórsson yfirlögregluþjón í
Austur-Húnavatnssýslu, og innti
hann frétta úr sýslunni.
Hvað er helzt að frétta úr um-
ferðinni hér á liðnu ári?
Ég vil segja að umferðar-
óhöppum hafi farið heldur f jölg-
andi ár frá ári síðan 1968. Hins
vegar má benda á í þessu sam-
bandi, að bílum hefur farið
mjög fjölgandi á þessu tímabili
og því umferð stóraukizt.
Það væri fróðlegt að fá helztu
niðurstöðutölur fyrir sl. ár.
Umferðaróhöpp, og þá á ég
við árekstra og ýmis önnur
óhöpp á vegum, sem tilheyra
vettvangsskýrslum, eru samtals
77, en þar í eru taldar báðar
Húnavatnssýslurnar. Önnur mál
og skýrslugerðir, sem ef til vill
tilheyra ekki beint umferðinni,
þó er það svolítið blandað, eru
192. í umferðinni á liðnu ári lét-
ust 3 og 12 slösuðust. 26 voru
teknir fyrir meinta ölvun við
akstur, þar af 12 Húnvetningar.
Hvort virðast Húnvetningar
eða utanhéraðsmenn eiga meiri
hlut að óhöppunum?
Það er ekki hægt að neita því,
að það ber öllu meira á H-bílum
innan þessa svæðis, enda ekki
nema eðlilegt.
Nú var lögregluþjónsstarfinu
skipt á árinu, þannig að í stað
þess að þú varst einn áður, eruð
þið orðnir 2 núna. Hvernig
finnst þér það vera?
Ég get ekki neitað því, að það
er mikill munur. Það mátti segja
að ég væri á vakt allan sólar-
hringinn áður, og varð að svara,
nema í fríum, hverju sinni er
kall barst. Það er ekki þar með
sagt að það hafi alltaf verið í
sambandi við lögreglumál, sem
kallað var á mig, því að við önn-
umst sjúkraflutninga líka. Og til
að benda á hvað það getur verið
til viðauka við löggæzlustarfið,
þá voru farnir á sl. ári 133 beinir
sjúkraflutningar. Virðist mér
það nokkuð svipað og árin áður.
Maður sá sem ráðinn var í starf-
ið heitir Guðmundur Gíslason,
og er ættaður frá Bólstað í Vest-
ur-Húnavatnssýslu. Guðmundur
er búinn að ljúka lögregluskóla