Ritröð Guðfræðistofnunar - 01.01.2005, Qupperneq 2

Ritröð Guðfræðistofnunar - Studia theological islandica
Vinnureglur
1) Ritröðin birtir greinar, ritdóma og ritfregnir á fræðasviðum guðfræði og almennra
trúarbragaðfræða. Einnig birtir hún greinar af öðrum fræðasviðum sem snerta
ofangreind svið eða ritnefnd metur hverju sinni áhugaverðar.
2) Ritröðin er fyrst og fremst ætluð til að kynna rannsóknir sem unnar eru á vegum
guðfræðideildar eða í samvinnu við hana (t.d. í tengslum við ráðstefnur o. s. frv.)
Þá er öðrum en starfsmönnum guðfræðideildar heimilt að senda greinar til birt-
ingar. Ritnefnd ákveður hverju sinni hvort grein skuli tekin til birtingar en veitir
höfundi að öðrum kosti rökstuðning um höfnun eða gefur ábendingar um breyt-
ingar.
3) Ritnefnd ritrýnir allt efni sem birt er í ritröðinni og kallar auk þess eftir ritrýni
utanaðkomandi sérfræðinga eftir því sem við á. Höfundum ber að bregðast við rit-
rýni áður en til birtingar kemur.
4) Almennt skal vísa til heimilda og hjálpargagna í greinum sem birtar eru í ritröð-
inni. Við frágang tilvísana og uppsetningu heimildaskrár skal farið að reglum sem
birtar eru í Handbók guðfræðinema. Þær má finna á heimasíðu guðfræðideildar.
Slóðin er: www.hi.is/nam/gudfr/efni/handbok_studenta.pdf
5) Birtir eru ritdómar bæði um innlend og erlend rit á þeim fræðasviðum, sem falla
undir Ritröðina. í ritdómum skal keppt eftir því að fram komi sjálfstætt mat en
ekki aðeins kynning á riti. í upphafi skal birta fullkomnar bókfræðilegar upplýs-
ingar um rit það, sem tekið verður til umfjöllunar og gengið út frá eftirfarandi
viðmiðun eftir því sem við á: Höfundur: Titill rits. Bindisnúmer. Upplýsingar um
ritröð og hefti. Ritstjóri/sá er búið hefur til prentunar/þýðandi. Utgáfustaður,
Útgefandi, útgáfuár. Fjöldi blaðsíðna. Fylgiefni (skrár o. fl.). Ritdómar skulu
almennt ekki vera lengri en tvær „normalsíður“, þ.e. 2400 slög á síðu.
6) Stefnt er að því að Ritröðin komi út tvisvar á ári. Skilafrestur greina er 1. mars
(fyrir síðara hefti hvers árs) og 1. sept. (fyrir fyrra hefti næsta útgáfuárs). Skila-
frestir eru bindandi en ritstjórn metur hverju sinni hvort efni skuli birta í einu eða
tveimur heftum. Greinum skal fylgja stuttur útdráttur (60-100) orð, sem birtast
mun í upphafi greinar.