Ritröð Guðfræðistofnunar - 01.01.2005, Page 125

Nasuti, Harry P., Defining the Sacred Songs. Genre, Tradition and
Post-Critical Interpretation of the Psalms. (Journal for the study of
the Old Testament Supplement Series 218). Sheffield: Sheffíeld
Academic Press 1999.
Á allra síðustu árum hafa sést augljós merki þess í rannsóknum á sálmum Gamla
testamentisins að sá dýrðarljómi sem leikið hefur um nafn Hermanns Gunkels
(1862-1932) og hinar formsögulegu rannsóknir hans er ekki sá sami og áður.
Ungir fræðimenn ganga nú óhræddir til uppgjörs við hinn mikla meist-
ara sálmarannsóknanna á þessu sviði. Bók H.P. Nasutis er dæmi um þetta.
Hún er gagnleg umfjöllun um flokkun sálmanna á tíma sem er ekki eins
mótaður af flokkun Gunkels og mestur hluti 20. aldarinnar hefur verið.
Þessi bók sætir þvf talsverðum tíðindum og er til marks um að ákveðin
þáttaskil eiga sér stað í sálmarannsóknum nú um stundir.
Nasuti fylgir hinum kunna bandaríska gamlatestamentisfræðingi
Brevard S. Childs (f. 1923) í því að vilja láta sig varða ritskýringu fyrri alda.
Að því leyti er hann laus við hroka margra 19. og 20. aldar fræðimanna sem
töldu sig ekkert hafa að sækja til fræðimanna sem uppi voru fyrir inngöngu
hinna gagnrýnu biblíuvísinda upp úr miðri 19. öld. í því ljósi ber líka að
skilja orðalagið „post-critical“ í titli bókar hans.
Nasuti sýnir fram á að sundurgeining sálmanna í flokka hefur tíðkast á
öllum tímum. Þannig að öfugt við það sem margir virðast ganga út frá var
brautryðjendastarf Gunkels ekki fólgið í því einu og sér að skipa sálmunum
í flokka. Það höfðu menn gert með margvíslegum hætti áður.
Snilld Gunkels fólst fremur í því að færa áherslu frá höfundi textanna að
formi þeirra og sögusviði. Hann innleiddi nýja og mjög svo sannfærandi að-
ferð við að flokka sálmana með áherslu á því hvernig þeir hefðu verið not-
aðir í safnaðarlífi hinna fomu Israels- og Júdamanna.
Það leynir sér ekki að hinn kunni bandarískri gamlatestamentisfræðing-
ur Walter Brueggemann (f. 1932) er söguhetja Nasutis í þessari bók. Segja
má að bókin sé að stórum hluta til uppgjör Nasutis við sálmarannsóknir
Brueggemanns og í því uppgjöri er Nasuti oft sammála Brueggemann.
Nasuti segir réttilega að Brueggemann og Westermann hafi vikið nokk-
uð frá flokkun Gunkels. Nasuti leggur mikla áherslu á þátt samfélagsins í
túlkun textanna. Hann hefur eftir R.E. Murphy (1917-2002) að texti öðlast
ætíð nýja merkingu innan þess samfélags sem hann er fluttur í. Nasuti legg-
ur í því sambandi áherslu á að nútíma túlkendur verði að bregðast við sam-
tíð sinni ekkert síður en eldri túlkendur brugðust við samtíð sinni.
123