Ritröð Guðfræðistofnunar - 01.09.2012, Qupperneq 34

í Jesaja 25,7 í frásögninni af veislunni á Síonarfjalli. Orðasambandið hafði
alltaf verið túlkað sem einhvers konar skýla á þjóðunum í allegorískum,
táknrænum skilningi en Sigurður Örn setti fram nýja og vel rökstudda
túlkun sem fólst í því að pane ha=lot væri forsetningarliður sem vísaði til
staðarins fýrir framan fortjaldið í musterinu í Jerúsalem sem aðgreindi allar
þjóðir jafnt frá hinu allra heilagasta þar sem Jahve opinberar sig. Þannig nær
hann að setja fram eðlilega útskýringu á textanum eins og hann stendur án
þess að þurfa að grípa til þess örþrifaráðs að breyta erfiðum texta til þess að
geta útskýrt hann. Munurinn á skilningi Sigurðar og hinni viðteknu túlkun
sést vel ef bornar eru saman þýðingar Biblíunnar á íslensku frá 1912 (1981)
og 2007:
Biblía 1912 (1981)
7Og hann mun afmá á þessu fjalli
skýlu þá, sem hylur alla lýði, og
þann hjúp, sem breiddur er yfir allar
þjóðir.
8Hann mun afmá dauðann að eilífu, 8mun hann afmá dauðann að eilífu.
Biblía 21. aldar
7A þessu fjalli, fyrir framan fortjaldið,
sem er hula öllum þjóðum
og forhengi öllum lýðum,
Þrátt fýrir að tónlistarferli Sigurðar væri lokið, var sambandi hans við
stórborg tónlistarinnar, Vín, enginn endi bundinn. Reglulega dvaldi hann
í Benediktínaklaustrinu Unserer Liebe Frau zu den Schotten í Vín, þar sem
hann stundaði fræðastörf og naut gestrisni vinar síns Georgs Braulik,
gamlatestamentisfræðings og prófessors við hina kaþólsku guðfræðideild
Vínarháskóla. Dvaldi hann reglulega í Vín og Múnchen ásamt Guðrúnu
Blöndal eiginkonu sinni og naut menningarlífs þessara háborga Mið-Evrópu,
ekki síst tónlistarinnar. Hitti hann t.a.m. vini sína, Wolfgang Richter og
nemendur hans, sem Sigurður hafði kynnst í Múnchen og voru flestir
orðnir prófessorar í gamlatestamentisfræðum við þýska háskóla, árlega í
Múnchen og var óperuferð fastur liður á þessum endurfundum. Við þetta
árlega tækifæri árið 2002 héldu kollegar hans honum veglega veislu í tilefni
af sjötugsafmæli hans og færðu honum afmælisrit þar sem gamlatesta-
mentisfræðingar frá Þýskalandi og Norðurlöndunum heiðra hann með
greinaskrifum. Vísar titill afmælisritsins til Sálms 24,3, sem Sigurður ritaði
um í bók sinni frá 1984: Wer darf hinaufsteigen zum Berg JHWHs? Beitrage
zu Prophetie und Poesie des Alten Testaments. Festschrift fiir Sigurður Örn
Steingrímsson zum 70. Geburtstag.
32