Tímarit Máls og menningar - 01.11.2018, Page 105

Æ t t a r m ó t n ö r d a n n a
TMM 2018 · 4 105
við að fullkomna þinn eigin Hulk-búning. Að sama skapi krefst þrautseigju
að ganga um með óþægilegan höfuðbúnað eins og stúlkan sem lagði það á
sig að labba um alla helgina með bleikt sjónvarp í stað höfuðs á herðunum.
Á kvennaklósettinu voru blá fingraför eftir unga konu sem lét sig ekki muna
um að lita sig bláa frá toppi til táa til að heiðra eftirlætis skáldskaparpersónu
sína.
Gildi hátíðarinnar er ekki einungis bundið við skemmtun. Umburðarlyndi
og fjölbreytileiki ráða ríkjum. Í þessum heimi er pláss fyrir alla og þarna geta
introvertar og extrovertar hist og deilt áhugamálum sínum og fengið útrás
fyrir hugðarefni sín. Ástríða nörda er óumdeilanleg hvort sem um er að ræða
safnara, teiknara, fólk sem smíðar sverð, litar sig blátt eða dundar sér við að
búa til skúlptúra af frægum teiknimyndahetjum. Sumir flakka heimshorna
á milli til að heimsækja sambærilegar hátíðir. Í Laugardalshöllinni þessa
helgi sátu bandarískar systur með ofurhetjubækur sem þær höfðu samið og
teiknað og um salinn völsuðu þýskir aldursforsetar Miðgarðs í búningum
sínum. Þau höfðu ferðast saman til Íslands til að eyða heilli helgi klædd sem
Stormsveitarmenn og háttsettir liðsforingjar Svarthöfða.
Ein af þeim fjölmörgu myndum sem hátíðin skildi eftir sig í huganum er
af kvenkyns orka með illúðlega gúmmígrímu, klædd í skinn með fölbleikt
mannsbarn í fanginu sem virðist ekkert kippa sér upp við útlit móður sinnar.
TMM_4_2018.indd 105 6.11.2018 10:22