Ófeigur - 15.08.1948, Qupperneq 74

74
ÓFEIGUR
XIH. 60 þús. kr. ár ÞjóðleiMiússjóði.
Hvað hefur verið gert með 60 þús. kr., sem fyrrver-
andi menntamálaráðherra, Brynjólfur Bjarnason, fékk
til annarra þarfa en byggingar hússins, að óvilja þjóð-
leikhúsnefndar? Óskast sundurliðuð skýrsla um notk-
un þessarar f járhæðar.
XIV. Flugvallargistihúsið í Reykjavik.
Hér á landi eru ekki nema tvö vel útbúin gistihús,
sem starfa allt árið: Hótel Borg og Hótel Kea. Þessi
fyrirtæki eru stofnsett af tveim áhugamönnum frá
Akureyri: Jóhannesi Jósefssyni og Vilhjálmi Þór. At-
vinnuvegurinn er nauðsynlegur, en ekki arðvænlegur.
Þess vegna hafa efnamenn síðustu ára hvergi á land-
inu og jafnvel ekki í höfuðstaðnum lagt út í að byggja
og starfrækja gistihús. Hótel Borg var tapfyrirtæki
frá 1931—40 og gerir ekki betur en að standa undir
sköttum og viðhaldi síðan stríðinu lauk. Hótel Kea mun
ekki vera bókfært með hærra verði en myndarlegt
tveggja íbúða hús í Reykjavík. Samt er þar ekki um
gróða að ræða, en fyrirtækið er til sóma Kaupfélagi
Eyfirðinga og Akureyri. Áhugamenn í Reykjavík fundu,
hve mikil þörf var á að bæta úr ónógum gistihúsa-
kosti í bænum. Þess vegna var með umfangsmikilli lög-
gjöf undirbúið, að ríkið, bærinn og Eimskip stofnsettu
vandað gistihús í Reykjavík, og skyldi hver af þess-
um aðilum leggja fram allt að 5 millj. kr. Með þess-
um lögum var tryggt, að fyrirtækið mátti velja úr lóð-
um í bænum. En þegar lokið var þessum viðbúnaði,
var kreppan komin, og af mörgum ástæðum er sýni-
legt, að þessi stórbygging verður ekki reist í bráð. En
þörfin fyrir bráðabirgðaúrræði a. m. k. var meira knýj-
andi, þar sem byggingu stóra gistihússins var frestað.
Á flugvellinum við Nauthólsvík er gistihús, sem
Bretar reistu á stríðsárunum handa foringjum sínum
og góðum gestum. Þetta gistihús fékk Island að gjöf
með flugvellinum. Þar eru svefnherbergi fyrir allt að
hundrað gesti, rúmmiklir borðsalir, setustofur, lestr-
arherbergi, eldhús, frystiklefar og húsbúnaður, ýmist
góður eða sæmilegur. Strætisvagnar ganga úr bænum
að þessu gistihúsi á hálftíma fresti. Þegar Áki Jakobs-
son tók við flugvellinum, lét hann bæta húsakynnin