Árbók Nemendasambands Samvinnuskólans - 01.06.1978, Blaðsíða 21

starfsmanninn að skólanum til kennslu og framkvæmda við
flutning stofnunarinnar. Var mér falið að ræða við Snorra
Þorsteinsson frá Hvassafelli í Norðurárdal. Snorri var þá
við nám við Háskóla Islands og hafði lokið prófi í kennslu-
fræðum í sambandi við menntun sina með ágætum árangri.
Jafnhliða háskólanáminu hafði Snorri unnið við blaða-
mennsku og vakið athygli sem glöggur og framsækinn
blaðamaður, enda mikill félagshvggjumaður með langa og
mikla revnslu við störf í stjórnum margra félagasamtaka.
Rétt um mánaðamótin júni og júlí lagði ég leið mína að
Hvassafeili, en hafði áður tryggt að Snorri væri heima og
við gætum tekið tal saman. Er ekki að orðlengja það, að
Snorri Þorsteinsson gaf kost á því að gera hlé á námi sínu
næsta vetur og gerast kennari við Samvinnuskólann í Bif-
röst. Ræddum við nokkuð um það hversu við myndum
skipta á milli okkar almennum bóknámsgreinum, að það
kæmi í hlut hvors okkar er við teldum koma best heim við
þekkingu okkar og áhugasvið.
III
Ég hef nú gert nokkra grein fyrir forsendum, er lágu til
grundvallar flutningi Samvinnuskólans til Bifrastar í Borg-
arfirði eftir að skólinn hafði verið starfræktur 37 ár í
Reykjavík. Ég hef skýrt frá hverjir komu fyrst og fremst
við sögu flutnings skólans frá höfuðborginni til Norðurár-
dals. Þá hef ég enn rakið hversu unnið var að því að tryggja
skólanum í Bifröst fyrstu kennarana. Eftir er þá sér í lagi
að greina frá því hvert fyrirmyndanna var leitað að sjálf-
um skólarekstrinum í Bifröst, kennsluháttum, námsefni og
stöðu skólans í því fræðslukerfi landsins sem þá var búið
við. Ég bið lesendur mína hafa sérstaklega í huga, að á
þessum tíma var ekki um neina löggjöf að ræða varðandi
viðskiptamenntun á framhaldsskólastigi. Hver hlutur þess
samvinnuskóla, er starfræktur var að Bifröst, er í undir-
búningi og forvinnu þeirrar löggjafar má nokkuð marka
af því, að það var einmitt í tilefni af 50 ára afmæli Sam-
2
17