Ritið : tímarit Hugvísindastofnunar - 01.10.2020, Qupperneq 171
SkÚLI SkÚLASON
176
að setja vélhyggjuna skör neðar, láta af þröngri sýn á skammtíma hags-
muni okkar, og leggja mun meiri rækt við að skilja og beita þeim gildum
sem spretta af náttúrunni í allri sinni dýrð og breytileika. Til að finna og
skilja betur tilkomu og eðli þessara gilda er mikilvægt að beina athygli
okkar og lífsháttum á hverjum tíma mun meira að þátttöku okkar, skyn-
vísi og reynsluþekkingu, í ferlaheimi fjölbreyttar náttúrunnar. Sömuleiðis
þurfum við að hjálpa öðrum við þetta verkefni, meðal annars með fræðslu
og þjálfun. Fræðaheimurinn þarf að styðja dyggilega við þessa viðleitni
með rannsóknum og agaðri hugtakasköpun og greiningu, sem gerir meðal
annars kleift að nota tungumál okkar á þann hátt að eiga megi gefandi
samskipti um þá hugarfarsbreytingu sem þetta verkefni snýst um, og leið-
segir hvernig nýta megi þekkingu á þessu sviði markvisst til að greiða þann
farveg sem athyglin, reynslan og skynvísin þarfnast í þessu umfangsmikla
verkefni.
Forsendur ákvarðana okkar eiga sér rætur og alls konar hliðstæður í
kerfum og ferlum náttúrunnar sem við erum órofa hluti af. Leiðin til betra
lífs, þó kannski ekki algjörrar syndaaflausnar, er að haga öllu lífi okkar í
samræmi við þessa staðreynd. Með öðrum orðum, skynjun, viðurkenning
og virðing fyrir fjölbreytni og gildum náttúrunnar ætti að vera upphaf og
leiðarstef í mögulegri vegferð okkar úr þeim ógöngum sem við höfum lent
í og lýst var í upphafi greinarinnar. Hér reynir á hvers kyns lífshætti, miðl-
un, umræðu, fræðastörf, fræðslu og skipulega menntun, sem og stjórnmál
og stefnumótanir. Þessir þættir samfélags okkar verða að tileinka sér svona
nálgun í mun ríkari mæli, og nú megum við engan tíma missa. Umræða og
aðgerðir verða að haldast í hendur.108
108 Höfundur þakkar Sólrúnu Harðardóttur, ásdísi Rósu Magnúsdóttur, Magnúsi
Skúlasyni, Viðari Hreinssyni, ármanni Halldórssyni og tveimur ritrýnum fyrir yfir-
lestur, mjög góðar ábendingar og tillögur. Einnig vill hann þakka Steven Cronshaw
og guðbjörgu R. Jóhannesdóttur fyrir góðar ábendingar um heimildir og túlkun
hugmynda. Þá vill höfundur þakka þeim fjölmörgu sem hann hefur rætt við og lært
af við mótun þeirra hugmynda sem fram koma í greininni. Að lokum vill höfundur
þakka tækifærið að taka þátt í málstofunni um syndina, sem þetta hefti byggir á og
það tækifæri að skrifa þessa grein í framhaldinu. Aðfararorð Louis Armstrong að lagi
hans What a Wonderful World, og að sjálfsögðu skilaboð verksins, eru að mati höf-
undar viðeigandi veganesti í lokin, Louis Armstrong, „What a Wonderful World“,
Youtube, 13. september 2011, sótt 7. desember 2020 af: https://www.youtube.com/
watch?v=2ngkqH26xlg.