Ritið : tímarit Hugvísindastofnunar - 01.10.2022, Page 40

VIð BJUggUM þAð TIl SJálF
39
hefði sagt að það væri ekki rétt tákn. Rétta táknið, sem notað væri í Dan-
mörku, væri ameríka og er það tákn notað enn í dag í íslensku táknmáli.

ameríka gamalt tákn ameríka
Börnin lærðu af Daníel önnur tákn sem tengdust nýju notkunarsviði. Hann
ræddi um stjórnsýslu og félagsstörf og kenndi þeim og fullorðna fólkinu
dönsk tákn eins og alþingi, forseti, ritari og skrifstofa. þau fengu annað
tákn fyrir skóli, sem var eins og það sem notað var í Danmörku en héldu
gamla tákninu fyrir læra. Með komu Daníels til Íslands víkkaði notkunar-
svið málsins og mörg dönsk tákn bættust við táknaforðann. Nokkrir heyrn-
arlausir einstaklingar eins og Deddi og Jón leifur ólafsson, sem höfðu búið
í Danmörku og Noregi, komu til baka með nýja þekkingu. Fleiri fóru í kjöl-
farið og í gegnum tengslin við önnur lönd komu ný tákn og ný umræða sem
efldi sköpunarkraftinn í málinu.
Daníel sagði fólkinu og börnunum frá starfi félags heyrnarlausra í Dan-
mörku og fékk sendar kvikmyndir frá starfseminni. Félag heyrnarlausra
var síðan stofnað hér á landi árið 1960. Eftir það hittust allir aldurshópar
reglulega og lærðu að skilja mál hver annars. gamla fólkið kenndi hinum
yngri fingramál og lærði af táknmáli hinna yngri. Sirrý sagði að þau hefðu
til dæmis kennt gamla fólkinu að búa til ný tákn. það hefði fyrst og fremst
notað fingramálið eins og það var. Smám saman dó fingramálið út með
gamla fólkinu.
Félag heyrnarlausra gekk í Norðurlandaráð heyrnarlausra árið 1973 og
tók eftir það virkan þátt í norrænu samstarfi. þrír félagar í Félagi heyrnar-
lausra fóru til Danmerkur á námskeið í kennslu táknmáls með það að mark-
miði að kenna táknmál hér á landi. Sirrý, sem var ein af hópnum, sagði að