Læknaneminn - 01.03.1972, Side 64

56
LÆKNANEMINN
lækninum sjálfum óþarfa óþægindum,
skapraun og árangurslausu erfiði. I
stuttu máli sagt: Hvernig ekki á að
lcekna! Hann lýsir einnig ákveðnum
einkennum, læknum til viðvörunar, svo
þeir geti þekkt þessar óæskilegu „auka-
verkanir" í tíma og eytt þeim. Að sið-
ustu er drepið á, hvers konar meðferð
hentar á þessu mjög svo flókna sviði
læknisfræðinnar.
Vandamálið stóra er: Hvers vegna
gerist það svo oft, þrátt fyrir heiðar-
legar tilraunir á báða bóga, að sam-
band sjúklings og læknis er ófullnægj-
andi og jafnvel óþægilegt? Hvers vegna
gerist það, að „lyfið" læknir verkar
ekki eins og til er ætlazt, þrátt fyrir
samvizkusamlega útfylltan lyfseðil ?
Hverjar eru orsakir þessarar óheilla-
þróunar og hvernig verður komizt hjá
henni ?
Þessi vandi er það, sem bókin fjallar
aðallega um. Hún skiptist í þrjá aðal-
hluta:
I. Sjúkdómsgreining. Þar er að finna
harða gagnrýni á núverandi starfsað-
ferðir lækna, og mikil áherzla er lögð á
ýmis atriði, sem færa mætti til betri
vegar. Þar er undirstrikað, að líta beri
á sjúklinginn sem heild, en ekki sem
sjúkan maga, ristil, fót eða sjúka ,,sál“.
Sérlega er rætt um tíðni og mat á
taugaveiklunareinkennum samfara lík-
amlegum einkennum.
IX. Samtalsmeðferð almennra lækna.
Þessi hluti fjallar um, hvernig almenn-
ir læknar gætu hagað slíkri meðferð,
mörg vandamál tekin til meðferðar og
athyglisverð dæmi sýnd.
III. Síðasti hlutinn er svo um helztu
niðurstöður þessarar merku rannsóknar.
Það er álit undirritaðs, að flestir
læknanemar og lika læknar gætu haft
mikið gagn og einnig gaman af að
kynna sér niðurstöður og úrlausnir
Balints og félaga hans.
Ólafur G. Guðmundsson, lœknanemi
BIOLOGICAL ABSTRACTS.
Biological Abstracts er stærsta og
yfirgripsmesta útdráttarverkið, sem
gefið er út um líffræði. Það kemur út
hálfsmánaðarlega og inniheldur út-
drætti úr greinum og bókum, sem oft-
ast eru aðeins fárra mánaða gamlar. 1
hverju hálfsmánaðarhefti eru um 6 þús-
und útdrættir, eða um 150 þúsund út-
drættir á ári.
I Biological Asbstracts er útdráttun-
um í hverju hefti raðað niður i eftirfar-
andi aðalfflokka:
Aerospace biology, agriculture, bact-
eriology, behavioral sciences, bio-
chemistry, bioinstrumentation, bio-
physics, cell biology, environmental bio-
logy, experimental medicine, genetics,
immunology, nutrition, parasitology,
pathology (animal and plant), pharma-
cology, physiology (animal and plant),
public health, radiation biology, syste-
matic biology, toxicology, veterinary
science og virology.
Hverjum aðalflokki er svo skipt niður
í undirflokka eftir efni, í sumum til-
fellum í allt að 60 undirflokka.
Eins og gefur að skilja, þá geta marg-
ar greinanna fallið inn undir marga
þeirra flokka, sem nefndir eru hér að
framan. Þess vegna er í hverju hefti
svokallaður Cross Index, sem gerir
mönnum kleift að finna útdrætti úr rit-
gerðum um ýmis tiltekin efni, óháð
þeirri niðurröðun í aðalflokka og undir-
flokka, sem nefnd er hér að framan.
Einnig er í hverju hefti svokallaður
Biosystematic Index, en í honum er út-
dráttunum raðað upp eftir flokkunar-
fræöilegri stöðu þeirra lifvera, sem
greinarnar fjalla um og síðan eftir
efni greinanna.
Höfundaskrá er i hverju hefti.
Að lokum inniheldur hvert hefti svo-
kallað B.A.S.I.C. Með hjálp þess er hægt
að finna allar þær ritgerðir og bækur,
sem hafa eitthvert tiltekið orð í titli
sínum.
Það tekur að vísu nokkurn tíma að
kynnast þeim mörgu möguleikum, sem
B.A. hefur upp á að bjóða. En fyrir þá,
sem vilja fylgjast með þvx, sem er að
gerast í heiminum innan sérgreinar
sinnar í líffræði, er B. A. ómetanleg
hjálp.
B.A. kostar nú 1000 $ á ári, og er
þvi ekki á allra færi að kaupa það. En
verkið er keypt á Tilraunastöð Háskól-
ans í meinafræði að Keldum, og liggur
þar frammi í bókasafni stofnunarinnar,
ásamt mörgum öðrum bókum og tíma-
ritum um líffræði. Er öllum þeim, sem
áhuga hafa, heimilt að nota það, eftir
að hafa haft samband við bókavörð
stofnunarinnar.
Ég vil þvi hvetja alla þá, sem vinna
að líffræðirannsóknum eða vilja fylgj-
ast með því, sem er að gerast í sér-
grein sinni, að notfæra sér þetta verk
til fullnustu og lesa það að staðaldri.
Keldum, marz 1972.
Sigurður H. Richter