Úrval - 01.06.1971, Blaðsíða 85

HÍNN NÝI SHERLOCK HOLMES
83
WREYFIÍi
Sfmi 85522
ára, er dauða hennar bar að hönd-
um. Hann komst einnig að því, að
hún hafði haft æxli í móðurlífinu.
Rannsóknarlögregluþjónn athug-
aði síðan spjaldskrá Scotland Yard
yfir týnt fólk. Eitt nafnið virtist
öðru fremur benda til konu þessar-
ar. Þar var um að ræða 49 ára
gamla konu, Rachel Dobkin að
nafni, sem hafði farið á sjúkrahús
í Lundúnum til þess að láta fjar-
lægja móðurlífsæxli. Hún hafði svo
horfið fyrir 15 mánuðum. Hún hafði
verið gift, en þau hjónin voru skil-
in að skiptum, og maður hennar,
Harry Dobkin að nafni, hafði ein-
mitt verið brunavaktmaður nálægt
kirkjunni, þar sem leifar hennar
höfðu fundizt.
MYRKRAVERK
Dobkin var geysilega þrekinn og
kraftalegur maður. Hann var ólund-
arlegur og ósamvinnuþýður. Systir
Rachel Dobkin sagði lögreglunni,
að Rachel hefði verið að reyna að
fá peninga hjá honum og það gæti
verið möguleg morðástæða. En
samt voru sönnunargögnin gegn
honum enn heldur fátækleg. Var
hægt að fá úr því skorið á óyggj-
andi hátt, að þetta væru raunveru-
lega líkamsleifar Rachel Dobkins?
Gat dr. Simpson sannað, að hún
hefði verið myrt?
Mynd var tekin af höfuðkúpunni
og hún lögð ofan á mynd af Rac-
hel Dobkin í sömu stærð. Allar út-
línur höfuðsins féllu alveg ná-
kvæmlega saman. Svo hafðist upp
á tannlækni frú Dobkins, og hann
rannsakaði efri kjáika líksins og
tannfyllingar og lýsti yfir því, að
þetta væri efri kjálki úr líki Rac-
hel Dobkins.
En hvernig hafði dauða konunn-
ar borið að höndum? Dr. Simpson
athugaði líkamsleifarnar enn einu
sinni. Hann hélt áfram störfum,
þegar aðstoðarfólk hans fór heim af
rannsóknarstofunni um kvöldið. Og
hann var enn við rannsóknarborð
sitt, þegar það kom aftur næsta
morgun. Á borðinu voru hin fín-
gerðu málbein úr hálsi líksins. Hann
leit upp og sagði: „Morð. ÍSg hef
fundið brot af málbeininu, og það
er blóðblettur á einu horni þess.
Konan var kyrkt.“
Harry Dobkin var dreginn fyrir
dómstólana, dæmdur sekur og
hengdur.
Ungur blaðamaður, sem var að
segja ritstjóra blaðs síns frá máli
þessu, komst svo að orði: „Eg er ný-
búinn að sjá Sherlock Holmes rísa
upp frá dauðum.“ Margir sérfræð-
ingar á sviði sakamála mundu taka
undir þessi orð hans.
☆