Úrval - 01.06.1971, Blaðsíða 89

87
Eftir JAMES A. MICHENER
Bob Hillegas í borginni Akron í
Ohiofylki er grannur og hávaxinn
piltur, 6 fet og 3 þumlungar á hæð.
Hann hefur ljóst, liðað hár. Andlit
hans er langleitt og gáfulegt. Hann
er hláturmildur. Hann er mjög dug-
legur nemandi. Hann gengur snyrti-
lega til fara, er stuttklipptur og
gengur í pressuðum buxum. Hann
er líka þjóðræknislega sinnaður,
þótt hann sé ekkert gefinn fyrir að
auglýsa það. Og þegar hann útskrif-
ast úr Ohiofylkisháskólanum í há-
skólabænum Kent, sem gengur und-
ir nafninu Kentfylkisháskólinn, í
júní 1971, gerir hann sér vonir um
að komast í bandaríska flugherinn,
enda hefur hann lagt stund á nám
í flug- og geimtæknivísindum. Síð-
ar býst hann við að starfa á veg-
um flugfélaga.
Laugardaginn 2. maí 1970 ók hann
Ford Fairlanebílnum sínum af 1967
árgerð af stað frá Akron til þess að
sækja Terry Gilcrest skólasystur
sína, sem býr í hinu ríkmannlega
Tvíburavatnahverfi rétt fyrir norð-
an Kent. Þetta var á laugardags-
kvöldi, og þau ætluðu út að skemmta
sér. Það var tilkynnt í útvarpinu
hvað eftir annað, að það hefðu ver-
ið óeirðir á háskólasvæðinu nóttina
áður og að útgöngubann hefði ver-
ið sett á í bænum. Því ók hann eft-
ir fáförnum vegum til háskólaflug-
vallarins. Hann var meðlimur Flug-
klúbbs Kentfylkisháskólans. Þegar
þangað kom, fékk hann leyfi til þess
að fara í stutta flugferð í einni af
flugvélum háskólans. Það var fjög-
urra sæta flugvél af gerðinni Cessna
172. Þau Bob og Terry ætluðu að
fljúga norður til borgarinnar Cle-
veland ásamt öðru ungu pari, borða
þar kvöldverð á veitingahúsi og
snúa aftur heim um miðnættið.
,,Þetta ætti að verða prýðileg flug-
ferð,“ sagði hann við þau, er hann
bjó sig undir flugtak.
Kvöldsólin sveipaði byggingar
Kentfylkisháskólans geislum sínum,
er þau flugu af stað. Þar gat að
líta heilt samsafn af stórum og
smáum skólabyggingum, sem flest-
ar voru byggðar úr gulum múr-
steini. Það var rúmt um þær. Þær