Réttur - 01.01.1958, Blaðsíða 77

R É T T tJ R
77
þróun íslenzks atvinnulífs um allt að því 10 ár, að amerísku
auðvaldi tókst að ná slíkum áhrifum hér að horfið var frá
íslenzkri efnahagsstefnu og land vort gert að hálf-káks
tilraunastöð fyrir amerískar hagfræðikenningar.
Sósíalistaflokkurinn lagði fram 6. nóv. 1946 tillögur um
áframhaldandi nýsköpun íslenzks atvinnulífs næstu 10 ár
samkvæmt fyrirfram gerðum áætlunum, bæði um frekari
eflingu sjávarútvegsins og um uppkomu stóriðju á grund-
velli virkjunar Þjórsár og fram til maí 1947 stóð baráttan
um þessar tillögur. * Þeim var hafnað er amerísk auðvalds-
áhrif urðu alls ráðandi í íslenzku efnahagslífi. Helgreipar
amerískrar stórveldastefnu læstu sig um land vort og
hindruðu frekari þróun sjávarútvegsins eftir mætti, og
komu í veg fyrir að undirbúnar væru stórvirkjanir og
íslenzk stóriðja á grundvelli þeirra.
Tillögur okkar höfðu verið þær að auka áfram sjávar-
útveginn á tímabilinu 1946—50, en undirbúa þá jafnframt
stórvirkjanir og stóriðju með rannsóknum o s. frv., en ein-
beita sér að því að koma þeim upp á tímabilinu 1951—55.
— Öllu þessu var hafnað. Þróunin tafin um allt að því
áratug.
Á þetta að endurtaka sig nú?
Það varð þjóðinni dýrt að láta Sjálfstæðisflokkinn og
Framsóknarflokkinn fá völd til þess að ráða þróun íslands
1949—1955. Það stendur sem minnisvarði þess tímabils
um „fyrirhyggju, víðsýni og djúpan skilning“ á aðalat-
riðum efnahagsmála að þá voru fluttir inn 5000 bílar, en
engum togara bætt við í íslenzka togaraflotann.
Þeir, sem hingað til hafa fylgt Sjálfstæðisflokknum, •—
hvort sem það eru verkamenn, bændur, framsýnir atvinnu-
rekendur eða aðrir, — þurfa að rísa upp gegn þeirri óheilla-
* Tillögur Sósíalistaflokksins 6. nóv. 1946 eru birtar í „Rétti“„
1946, 2. hefti, bls. 81—98, undir fyrirsögninni „Hvernig skal ein-
beita orku íslenzka þjóðfélagsins". Frekari frásögn af þessari
viðureign er að finna í grein minni í Rétti 1948 „íslenzk stóriðja
í þjónustu þjóðarinnar", einkum í VI. kafla hennar, bls. 224—237