Réttur - 01.01.1958, Side 129

R É T T U íí
Í29
lifa í friði og vilja ekki una því, að heimsveldissinnar séu að
hlutast til um innanlandsmál þeirra. Til þess að hafa sig upp úr
vanþróun sinni og fátækt fylgja þjóðir þessar stefnu friðar og
hlutleysis, stefnu grundvallaratriðanna fimm, sem alkunn eru, —
gagnkvæmrar virðingar landsréttinda og fullveldis, afneitunar
allrar ofbeldisstefnu, íhlutunarleysis um innanlandsmál annarra,
jafnræðis og gagnkvæmra hagsmuna í viðskiptum, og friðsam-
legrar sambúðar þjóða.
Það eru vissulega ekki aðeins íbúar sósíalistísku landanna, ekki
aðeins þjóðir austursins, sem forðast vilja styrjöld. Hún er einnig
þjóðum hinna vestrænu auðvaldsríkja viðurstyggð, enda hafa þær
tvisvar mátt reyna, hvað heimsstyrjöld er.
Friðarstefnan á yfir feiknastyrk að ráða. Hún er þess megnug
að afstýra og tryggja frið. En vér kommúnistar lítum á það sem
skyldu vora að beina varnaðarorðum til allra þjóða heims og
minna þær á, að hættan á ægilegri gereyðingarstyrjöld er engan
veginn um garð gengin.
Hvaðan stafar þá heimsfriði og þjóðaröryggi hætta? Frá ein-
okunarhringum auðvaldsins, sem hafa hag af styrjöldum og grælt
hafa ódæmi auðæfa á heimsstyrjöldunum tveimur svo og vígbún-
aðarkeppninni, sem nú á sér stað. Vígbúnaðarkeppnin er einok-
unarauðvaldinu hin mesta gróðalind, en leggur þungar byrðar á
herðar verklýðsstéttinni og stórspillir fjárhagsafkomu þjóðanna.
Stjórnir ýmissa auðvaldsríkja hafa bognað fyrir kröfum einok-
unarauðhringanna, sérstaklega þeirra í Bandaríkjunum, og hafnað
tillögum, er fram hafa verið bornar, um afvopnun, bann við kjarn-
orkuvopnum og aðrar ráðstafanir til að koma í veg fyrir styrjöld.
Æðimargar ágætar tillögur hafa verið lagðar fyrir samtök Sam-
einuðu þjóðanna af hálfu hinna friðsömu ríkja. Tillögur þessar
hafa verið þess eðlis, að samþykkt þeirra hefði tvímælalaust eflt
friðinn og dregið úr stríðshættunni. Enginn getur neitað því, að
það er meðal brýnustu hagsmunamála allra þjóða, að bundinn
verði endir á vígbúnaðarkeppnina, hættunni vi kjarnorkustyrjöld
bægt á burt og skilyrði sköpuð fyrir friðsamlegri sambúð og efna-
hagssamvinnu þjóðanna, enda mjög undir þessu komið, að takast
megi raunverulegt gagnkvæmt traust þeirra í milli. Örlög heims-
ins, örlög komandi kynslóða velta á því, að lausn verði fundin á
þessum vandamálum. Þeir einir eru þessum tillögum andstæðir,
sem hag hafa af því, að viðsjár megi haldast á alþjóðavettvangi.
í Bandaríkjunum, Bretlandi, Frakklandi, Ítalíu og öðrum auð-
valdslöndum eru þúsundir dagblaða og útvarpsstöðva, sem dag
hvern hamra á þeim áróðri, að „heimskommúnisminn“ ógni frelsi
þjóða þeirra, lífsháttum og friðsamlegri tilveru.