Andvari - 01.01.2004, Side 13

BJÖRG EINARSDÓTTIR
Auður Auðuns
Ævi og starf Auðar Auðuns er ferill brautryðjanda í röðum íslenskra
kvenna á 20. öld.
Hún fæddist 1911 - sama ár og íslenskar konur öðluðust rétt til
skólagöngu, námsstyrkja og allra embætta til jafns við karla. En konur
hér á landi voru seinar til að nýta sér þau réttindi og þegar Auður sett-
ist í lagadeild Háskóla íslands í ársbyrjun 1930 var hún fyrsta kona til
að nema þar. Hún lauk prófi í lögfræði vorið 1935 og næstu 14 árin var
hún eina konan í stétt lögfræðinga á íslandi.
Arið 1946 var Auður kosin í bæjarstjórn (borgarstjóm að lögum frá
1962) Reykjavíkur og átti þar sæti í 24 ár; þann tíma var hún 18 ár í
borgarráði, forseti borgarstjórnar í 15 ár og borgarstjóri ásamt öðrum í
eitt ár.
Auður var kosin á Alþingi haustið 1959 og sat samfleytt á 15 þing-
um. Á því tímabili var hún dóms- og kirkjumálaráðherra í ráðuneyti
Jóhanns Hafstein, fyrst íslenskra kvenna á ráðherrastóli.
Auður Auðuns var lögfræðilegur ráðunautur Mæðrastyrksnefndar í
Reykjavík um tveggja áratuga skeið, en lögfræðimenntun sína notfærði
hún sér einkum í löggjafarstarfi. Vegur þar þungt vinna hennar að sifja-
iöggjöf.
Nokkrir skólabræðra Auðar úr menntaskóla og háskóla urðu síðar
félagar hennar í stjómmálastarfi þar sem hún löngum var eina konan,
eða eins og hún hefur sjálf komist að orði: „Ég vandist því með árun-
um að vera oftast ein í karlahópnum.“
Aldin heiðurskona lét eitt sinn í viðtali svo ummælt að með Auði
Auðuns hafi komið fram á sjónarsviðið NY KONA - menntuð hæfi-
leikakona sem stóð körlum fyllilega á sporði að atgervi og allri mála-
fylgju en hélt samfara því sínum fágaða og kvenlega lífsstíl. „Auður
var sönn hefðarkona,“ voru orð þessa viðmælanda.