Andvari - 01.01.2004, Side 24

22
BJÖRG EINARSDÓTTIR
ANDVARI
hugsa sinn gang. Foreldrar hennar hvöttu hana til að halda áfram námi
og sjálf hugði hún á nám hér heima við háskólann. Um fjórar deildir
var að ræða í háskólanum. A þeim tíma virtist það fjarlægt fyrir konu
að hugsa til náms í guðfræði „og mig óaði einfaldlega við þeirri ábyrgð
sem hlýtur að fylgja læknisstarfi,“ sagði Auður er hún rifjaði upp þenn-
an umþóttunartíma. Þá var aðeins um norræn fræði eða lagadeild að
velja og sú síðarnefnda höfðaði meira til hennar. Ögrandi var að fara
út í eitthvað nýtt, ljúka embættisprófi í lögum þegar flestar stúlkur sem
fóru áfram í skóla létu stúdentsprófið nægja. Auður lét eitt sinn svo
ummælt að ef valgreinar hefðu verið slíkar sem seinna varð hefði val
hennar kannski orðið annað. En hún sagðist aldrei hafa séð eftir því að
hafa valið lögfræðina, þekking í þeirri grein hefði orðið sér stuðning-
ur síðar í stjómmálastarfi. Lögfræði væri eins konar þjóðfélagsfræði,
sem snerti öll svið mannlífs og væri síður en svo þurr fræði eins og
margir virtust halda.
Skólaári háskólans var skipt í tvö kennslutímabil og hófst hið fyrra
1. október en hið síðara 15. febrúar og þann dag 1930 hóf Auður nám
við lagadeildina. Háskólinn var að undantekinni læknadeild að öllu
leyti til húsa á fyrstu hæð Alþingishússins. Auður hóf að sækja fyrir-
lestra í forspjallsvísindum hjá Agústi H. Bjarnasyni prófessor samhliða
sjálfu laganáminu. Hún var eina og fyrsta stúlkan í deildinni og þar var
hún áfram í námi með skólafélögunum úr menntaskólanum. Þá voru
fáeinar stúlkur í læknadeild en engar í norrænu- eða guðfræðideild og
höfðu aldrei verið það. I lagadeild voru um 40 nemendur en innritaðir
í háskólann voru um 250 stúdentar. Alexander Jóhannesson var rektor
skólans en í lagadeild voru þrír prófessorar: Ólafur Lárusson, Einar
Arnórsson, sem varð dómari við hæstarétt 1932 og tók Bjami Bene-
diktsson við starfi hans, þá nýkominn heim frá framhaldsnámi. Lágu
þá fyrst saman leiðir Auðar og Bjarna sem síðar urðu samherjar á
pólitískum vettvangi. Þriðji prófessorinn var Magnús Jónsson sem
hvarf frá kennslu og í hans stað kom Þórður Eyjólfsson, síðasta ár
Auðar í lagadeild. Tekið er fram í greinargerð um háskólastarfið á
þessum árum að elstu nemendur í lagadeild hafi haft skriflegar æfing-
ar; ennfremur veitt efnalitlu fólki lögfræðiaðstoð eina stund í viku
undir handleiðslu kennara.
Hjá Orator, félagi laganema við Háskóla íslands, var sérstaklega
rætt hvernig bregðast skyldi við þegar kona væri komin í hóp laga-
nema og hvort einhverju þyrfti að breyta hjá félaginu þess vegna.