Andvari - 01.01.1895, Blaðsíða 136
gæðinga dönsku stjórnarinnar, en fyrir það vilja Is-
lendingar ekki gefa 12000 kr. á ári.
Seint mun Islendingum og skiljast, hvern rétt
Færeyingar og Danir hafa til að vaða inn á hvern
vog og vík á Islandi til fiskiveiða og spilla með því
veiðum landsmanna. A allt þetta verður hið lög-
■g('fandi alþingi Islendinga að horfa ár eptir ár án
iþess að fá nokkuð við gert.
Eins og áður er sagt, hefur alþingi samþykkt
:328 lög, síðan það fékk löggjafarvald; verða það lið-
’ug 29 lög að meðaltali á hverju þingi. Af þessum
lögum hafa 50 ekki verið staðfest. Þessi tala sam-
svarar hérum bil löggjafarstarfi tveggja þinga, sem
þannig hefur verið ónýtt af sjtjórninni. Að visu hef-
ur þingið jafnan samþykkt fleiri og færri þingsá-
lyktunartillögur, en margar þeirra hafa fengið líkar
viðtökur hjá stjórninni og þessi 50 lög, svo að það
bætir litið úr skák. Nokkuð öðru máli er að gegna
um mál þau, sem ekki hafa orðið útrædd eða verið
felld á þinginu, því að til þeirra hefur opt gengið
ærinn tími. En það er kemur til hinna felldu mála,
myndi tala þeirra opt hafa orðið stórum lægri, ef
efri deild þingsins ekki væri þannig skipuð, að stjórn-
in hefði þar þegar synjunarvald sitt í fyrsta veldi.
Allur þingkostnaðurinn þessi 20 ár er kr. 362239,05,
eða að meðaltali fyrir hvert þing kr. 32930,82; kosta
tvö þing þá kr. 65861,64. Sé nú áætlað, að 25 þús-
und krónur hafi gengið til óútræddra og felldra
mála á þessum tveimur þingum, þá verða það þó
hart nær 50 þúsundir króna, sem landið siðan það
fékk »frelsisskrána» hefur fórnað á stalla þess guðs
í Kaupmannahöfn, er ráðherra Islands nefnist, og
ekkert liaft í aðra hönd nema sorglega 20 ára reynslu