Búnaðarrit - 01.01.1938, Blaðsíða 200
192
BÚNAÐARRIT
hæfilega stóran stofn, 20—100 kindur. Lántakendur
greiða með sömu tölu síðar. Þá kaupa búin allar
sauðfjárafurðir. Það hefir verið byggt sláturhús í
Júlianavon og þar er einnig þvegin ull. Grænlendingar
eru skyldir að selja allar sauðfjárafurðir, sem þeir
geta án verið til búanna. Þær hafa verið borgaðar með
góðu verði. Við bæði búin hafa verið reist sauðfjár-
hús, með tilheyrandi hlöðum (votheys- og þurheys-),
svo og íbúðarhús fyrir starfsmenn og nemendur. Búin
hafa yfirumsjón með allri sauðfjárrækt og búnaði á
Grænlandi. Tala sauðfjár á Grænlandi hefir verið: 1915
202, 1925 1678, 1930 5691, 1935 7005 og 1936 10000. Fénu
hefir fjölgað, en sum árin hefir það staðið í stað eða
fækkað, t. d. veturinn 1919—1920 voru mikil harðindi,
fækkaði þá sauðfénaði um nær Vá. Nokkur fæklcun
var og veturinn 1933—1934. Hættulegastir eru stór-
hríðarbyljir á vorin, einkum þá búið er að sleppa fénu,
sérstaldega ef það er þá nýrúið eða sauðburður stend-
ur yfir. Árið 1923 voru þar 18 sauðfjáreigendur, en
1936 rúm 200. í fyrstu þótti Grænlendingum lítið til
sauðfénaðar koma, nú álíta þeir það mjög gagnlega
skepnu. Stjórn Grænlands hefir hvatt menn til sauð-
fjárræktar, Hún lánar sauðfénað til að byrja með eins
og áður er að vikið, hún veitir nýbyggjendum lán til
húsabyggingar og ýmsan annan stuðning. Það verður
■eigi annað sagt, en að sauðfjárrælctin hafi lánast furðu
vel, þá tillit er tekið til þess, að þeir menn sem stunda
hana voru veiðimenn, óvanir öllum búpeningi eða
hirðingu búfjár. Nær allir Grænlendingar, sem hafa
eignast sauðfé, halda því við og fjölga því. Nær helm-
ingur sauðfjáreigenda hefir fengið lán til að byrja með,
en flestir hafa endurgreitt þessi lán, eftir því sem
samningar stóðu til, aðrir hafa keypt nokkrar kindur
og l'jölgað þeim síðar. Sauðfjáreign einstaklinga er
mismunandi frá 5 kindum til 600 fjár. Árið 1933 áttu
sauðfjáreigendur að meðaltali 26 kindur, nú er það