Hlín - 01.01.1961, Blaðsíða 128
Hlín
126
ið 25 aura, ef farinn var einn hringur kringum skipið.
Allan daginn var út að því óslitinn straumur af bátum,
hlöðnum lirifnu og forvitnu fólki, og sífelt dundu við
húrrahrópin.
Á þessum árum var ísland enn háð Danmörku stjórnar-
farslega, og þess vegna liöfðu verið máluð á hliðar skips-
ins í Kaupmannahöfn tvö dönsk flögg, en á milli þeirra
nafnið Danmark. En þegar skipið var komið til Vest-
mannaeyja og þar með inn í íslenska landhelgi, var málað
yfir þessi dönsku tákn, til þess að koma í veg fyrir að þau
særðu tilfinningar Islendinga, og fór mjög vel á þessu.
Gullfoss gamli kostaði 580 þúsund krónur, þ. e. dansk-
ar og íslenskar krónur. Þá var enginn gengismunur á ís-
lenskri krónu og mynt hinna Norðurlandanna. Enska
pundið var þá líka á 18.20 og dollarinn á 3.75 af þeirri ein-
földu ástæðu, að íslensk króna var þá í fullu gullgengi.
Það var ekki fyr en sex árum síðar, að þeirri bræðraþjóð
okkar, sem mest skiftin hafði átt við okkur á undanförn-
um öldum, þóknaðist fyrstri allra okkar viðskiftaþjóða að
skella verðfalli á íslenskan gjaldmiðil, og var það öldungis
að ástæðulausu.
Sunnudaginn 19. apríl var Gullfoss látinn'fara til Hafn-
arfjarðar með vörur, sem í skipinu voru þangað. Stjóm
Eimskipaljelagsins bauð öllum Reykvíkingum ókeypis far
eftir því sem rúm leyfði. Fjögur til fimm hundruð manns
notuðu sjer þetta góða boð fjelagsins, en því miður var
hvassviðri, svo að margir urðu sjóveikir.
Þegar í Fjörðinn kom, var tekið hátíðlega á móti skip-
inu. Magnús bæjarfógeti bauð það velkomið, en formaður
fjelagsins, Sveinn Björnsson, þakkaði.
Þennan sunnudag mætti jeg tveimur æskufjelögum
mínum í Austurstræti, og höfðu þeir orð á því, að leiðin-
legt væri, að við skyldum ekki liafa farið um morguninn
með Gullfossi suður í Fjörð. Við ákváðum samstundis að
fara gangandi til Hafnarfjarðar, enda algengt í þá daga
að ganga þennan spöl, og koma með skipinu um kvöldið.